ആപ്പിനെ വിട്ടൊഴിയാതെ പ്രശ്നങ്ങള്; കെജ്രിവാളിന്റെ സെക്രട്ടറിക്കെതിരെ അഴിമതി ആരോപണവും
ഡല്ഹിയിലെ ആപ്പ് സര്ക്കാരിനെ വിട്ടൊഴിയാതെ തുടരെ തുടരെ പ്രശ്നങ്ങള്. ഇപ്പോള് പുതുതായി
മുഖ്യമന്ത്രി അരവിന്ദ് കെജ്രിവാളിന്റെ സെക്രട്ടറിയും മുതിര്ന്ന സര്ക്കാര് ഉദ്യോഗസ്ഥനുമായ രാജേന്ദ്ര കുമാറിനെതിരെയാണ് അഴിമതി ആരോപണം ഉയര്ന്നത്.
ഡല്ഹി ഡയലോഗ് കമ്മീഷന് (ഡി.ഡി.സി) മുന് മെമ്പര് സെക്രട്ടറി ആശിഷ് ജോഷിയാണ് അഴിമതിവിരുദ്ധ ബ്യൂറോ തലവന് എ.കെ മീണയ്ക്ക് ഇതുസംബന്ധിച്ച പരാതി നല്കിയത്. വിദ്യാഭ്യാസം, ഐ.ടി, ആരോഗ്യം തുടങ്ങിയ വകുപ്പുകളില് പ്രവര്ത്തിച്ചിരുന്ന കാലത്തെ രാജേന്ദ്രകുമാറിന്റെ നടപടികളെക്കുറിച്ച് അന്വേഷണം വേണമെന്നാണ് ആവശ്യം.
ആം ആദ്മി പാര്ട്ടി എംഎല്എ സോംനാഥ് ഭാരതി ഗാര്ഹിക പീഡന ആരോപണം നേരിടുന്നതിനിടെയാണ് അരവിന്ദ് കേജ്രിവാളിന്റെ സെക്രട്ടറിയും വിവാദത്തില്പ്പെട്ടത്. പരാതി ലഭിച്ചുവെന്ന് അഴിമതി വിരുദ്ധ ബ്യൂറോ അധികൃതര് സ്ഥിരീകരിച്ചു. പരാതി പരിഗണിച്ചുവരികയാണെന്നും രാജേന്ദ്ര കുമാറിനെതിരെ നോട്ടീസ് അയക്കുമെന്നും അധികൃതര് പറഞ്ഞു. കുമാര് വിദ്യാഭ്യാസ ഐ.ടി വകുപ്പുകളുടെ സെക്രട്ടറി ആയിരുന്ന കാലത്ത് വിവിധ കമ്പനികള് രൂപവത്കരിച്ചു സര്ക്കാര് കരാറുകള് അനധികൃതമായി നേടി. ഇതുവഴി സര്ക്കാരിനു നഷ്ടമുണ്ടെയന്നും പരാതിയില് പറയുന്നു. 50 കോടിയോളം രൂപയുടെ ആരോപണമാണ് രാജേന്ദ്ര കുമാര് നേരിടുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
