പുതിയ ഫീച്ചറുമായി വാട്സാപ്പ്; ഇരുപത്തിനാലുമണിക്കൂറിനുള്ളില് മെസേജുകള് തനിയെ അപ്രത്യക്ഷമാകും
വാട്സാപ്പിൽ പുതിയ മാറ്റങ്ങൾ കൊണ്ടുവരാനായി ഒരുങ്ങി കമ്പനി. വാട്സാപിന്റെ ഡിസപ്പിയറിങ് മെസേജ് ഫീച്ചറിലാണ് പുതിയ മാറ്റം കൊണ്ടുവരുന്നത്. 24 മണിക്കൂറിനുളളില് മെസേജുകള് തനിയെ അപ്രത്യക്ഷമാകുന്ന തരത്തിലേക്ക് ഉപയോക്താക്കള്ക്ക് ചാറ്റുകള് ക്രമീകരിക്കാന് കഴിയുന്ന ഫീച്ചറാണ് പരീക്ഷിക്കുന്നത്.
നിലവില് മെസേജുകള് ഏഴ് ദിവസത്തിന് ശേഷം തനിയെ ഡിലീറ്റ് ആകുന്ന ഫീച്ചറാണ് വാട്സാപിൽ സംവിധാനം ചെയ്തിരിക്കുന്നത്.
ഇതില് വൈകാതെ മാറ്റം കൊണ്ടുവരാന് വാട്സാപ് ഒരുങ്ങുകയാണെന്ന് വാബീറ്റ ഇന്ഫോ അവരുടെ റിപ്പോര്ട്ടില് വ്യക്തമാക്കുന്നു. കഴിഞ്ഞ വര്ഷമാണ് വാട്സാപില് ഡിസപ്പിയറിങ് മെസേജ് ഫീച്ചര് അവതരിപ്പിച്ചത്.
ആ ഘട്ടത്തില് തന്നെ കമ്പനി സമീപ ഭാവിയില് ഫീച്ചറില് മാറ്റങ്ങള് കൊണ്ടുവരുമെന്ന സൂചനകള് നല്കിയതായിരുന്നു. പുറത്തു വന്ന റിപ്പോര്ട്ട് പ്രകാരം 24 മണിക്കൂറിനുള്ളില് മെസേജുകള് അപ്രത്യക്ഷമാകുന്ന ഫീച്ചറിന്റെ നിര്മാണം കഴിഞ്ഞ ഒരു മാസമായി നടന്നു വരികയാണ്.ഐഫോണില് ഈ ഫീച്ചര് പരീക്ഷിച്ചതിന്റെ ചിത്രങ്ങളാണ് നിലവില് അവരുടെ സൈറ്റില് ഉൾപ്പെടുത്തിയിരിക്കുന്നത്.
https://www.facebook.com/Malayalivartha
