പുണെ ഫിലിം ഇന്സ്റ്റിറ്റിയൂട്ട് വിവാദം കൊഴുക്കുന്നു :വിദ്യാര്ഥികള്ക്ക് പിന്തുണയുമായി പല്ലവി ജോഷി രാജിവെച്ചു
അടങ്ങാതെ രാജ്യമൊട്ടാകെ സമരങ്ങളും പ്രതിഷേധങ്ങളും സംഘടിപ്പിട്ടും പുണെ ഫിലിം ഇന്സ്റ്റിറ്റിയൂട്ട പ്രശ്നത്തില് അനക്കമില്ലാതെ സര്ക്കാര്. തുടര്ന്ന് നിരവധി രാജികളും. വിദ്യാര്ഥിസമരത്തിന് പിന്തുണപ്രഖ്യാപിച്ച് നടി പല്ലവി ജോഷി പുണെ ഫിലിംഇന്സ്റ്റിറ്റിയൂട്ട് സൊസൈറ്റി അംഗത്വം രാജിവെച്ചു.
നിലവിലുള്ള സാഹചര്യത്തില് സൊസൈറ്റി അംഗമായി തുടരുന്നതില് യാതൊരുകാര്യവുമില്ലെന്ന് പല്ലവി ചൂണ്ടിക്കാട്ടി. വിദ്യാര്ഥികള് നടത്തുന്നസമരം സിനിമയുടെ ഭാവിക്കുവേണ്ടിയാണ്. അവരുടെ സമരത്തിന് പിന്തുണനല്കി താന് രാജി സമര്പ്പിക്കുകയാണെന്നും പല്ലവി അറിയിച്ചു.
പാതിവെന്തഅറിവുമായി വിദ്യാര്ഥികള് പുണെ ഇന്സ്റ്റിറ്റിയൂട്ട് പോലുള്ള വലിയസ്ഥാപനത്തില്നിന്ന് പുറത്തിറങ്ങുന്നത് നല്ലകാര്യമല്ലെന്ന് പല്ലവി ജോഷി പ്രതികരിച്ചു. സൊസൈറ്റിയിലേക്ക് കേന്ദ്രസര്ക്കാര് തിരഞ്ഞെടുത്ത സന്തോഷ് ശിവന്, ജാനു ബറുവ എന്നിവരും നേരത്തേ രാജിവെച്ചിരുന്നു.
ബി.ജെ.പി. അംഗവും സീരിയല് നടനുമായ ഗജേന്ദ്ര ചൗഹാനെ കേന്ദ്രസര്ക്കാര് പുണെ ഇന്സ്റ്റിറ്റിയൂട്ട് ഭരണസമിതി ചെയര്മാനാക്കിയതില് പ്രതിഷേധിച്ചാണ് വിദ്യാര്ഥികള് സമരംതുടങ്ങിയത്. ചൗഹാനൊപ്പമാണ് പല്ലവി ജോഷിയെ ഇന്സ്റ്റിറ്റിയൂട്ട് സൊസൈറ്റി അംഗമായി തിരഞ്ഞെടുത്തത്. തനിക്ക് സൊസൈറ്റിയില് തുടരാന് താത്പര്യമില്ലെന്നറിയിച്ച് അവര് കേന്ദ്രസര്ക്കാറിന് മൂന്ന് ദിവസംമുന്പ് കത്തെഴുതുകയായിരുന്നു. പിന്നാലെ രാജിവെക്കരുതെന്ന് സര്ക്കാര്വൃത്തങ്ങള് പല്ലവിയോട് അഭ്യര്ഥിച്ചു. എന്നാല് വിദ്യാര്ഥികളുടെ സമരത്തെ പിന്തുണയ്ക്കുമെന്നും നിലപാടില് മാറ്റമില്ലെന്നും പല്ലവി സര്ക്കാറിനെ അറിയിക്കുകയായിരുന്നു.
കലാപ്രവര്ത്തനങ്ങളിലെങ്കിലും സര്ക്കാര് രാഷ്ട്രീയം അവസാനിപ്പിക്കണമെന്നാണ് പൊതുവില് ഉയരുന്ന ആവശ്യം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
