ജോലിയില്ലാത്തതിനാല്‍ കഴിഞ്ഞ വര്‍ഷത്തേതി​നെ അപേക്ഷിച്ച്‌​ പകുതി നികുതി മാത്രമാണ്​ ഇത്തവണ നല്‍കാനുള്ളതെന്ന നടി കങ്കണ റണാവത്തിന്റെ പ്രസ്​താവനയെ പരിഹസിച്ച്‌​ അഭിഭാഷകൻ പ്രശാന്ത്​ഭൂഷന്‍. 'എന്ത്​, ത്സാന്‍സിറാണിക്കും ജോലിയില്ലെന്നോ'എന്നാണ്​ ഒറ്റവരി ട്വീറ്റിലൂടെ പ്രശാന്ത്​ ഭൂഷന്‍ ചോദിച്ചിരിക്കുന്നത്​. കങ്കണയുടെ പ്രസ്​താവനയെകുറിച്ചുള്ള വാര്‍ത്തയും അദ്ദേഹം പങ്കുവച്ചിട്ടുണ്ട്​. ആയിരക്കണക്കിന്​ റീ ട്വീറ്റ്​ ആണ്​ പോസ്​റ്റിന്​ ലഭിച്ചത്​.

താന്‍ നികുതി അടക്കാന്‍ വൈകിയതായും ആദ്യമായാണ്​ ഇങ്ങിനെ സംഭവിക്കുന്നതെന്നും കങ്കണ ഇന്‍സ്​റ്റഗ്രാം കുറിപ്പില്‍ പറഞ്ഞിരുന്നു. ജീവിതത്തില്‍ ആദ്യമായാണ് ഇങ്ങനെ സംഭവിക്കുന്നതെന്നും അടയ്​ക്കാന്‍ വൈകിയതിനാല്‍ സര്‍ക്കാര്‍ ഇതിന് പലിശ ഈടാക്കാന്‍ പോകുകയാണെന്നും എങ്കിലും സര്‍ക്കാര്‍ തീരുമാനത്തെ സ്വാഗതം ചെയ്യുന്നെന്നും നടി പറയുന്നു.