ഛത്തീസ്ഗഢില് മാവോയിസ്റ്റുകള് തട്ടിക്കൊണ്ടുപോയ പൊലീസ് ഉദ്യോഗസ്ഥരെ മരിച്ച നിലയില് കണ്ടെത്തി
ഛത്തീസ്ഗഢിലെ ബിജാപൂര് ജില്ലയില് നിന്നും മാവോയിസ്റ്റുകള് തട്ടിക്കൊണ്ടുപോയ നാലു പൊലീസുകാരേയും മരിച്ച നിലയില് കണ്ടെത്തി. മാവോയിസ്റ്റ് പ്രവര്ത്തനങ്ങള് തടയുന്നതിന് സംസ്ഥാന പൊലീസിനെ സഹായിക്കാനായി നിയോഗിച്ചിരുന്ന അസിസ്റ്റന്റ് കോണ്സ്റ്റബിള് പദവിയിലുള്ള ജയദേവ് യാദവ്, മംഗല് സോധി, രാജു തേല, രാമ മാജി എന്നിവരുടെ മൃതദേഹങ്ങളാണ് ഇവരെ കാണാതായ സ്ഥലത്തിന് അഞ്ച് കിലോമീറ്റര് അകലെ നിന്നും കണ്ടെത്തിയത്.
തിങ്കളാഴ്ച സെയിദ് ജില്ലയിലെ കുട്രു പൊലീസ് സ്റ്റേഷന് പരിസരത്ത് കൂടി ബസില് യാത്ര ചെയ്യുകയായിരുന്ന പൊലീസുകാരെ ബസ് തടഞ്ഞ് നിര്ത്തിയാണ് മാവോയിസ്റ്റുകള് തട്ടിക്കൊണ്ടുപോയത്. സാധാരണക്കാരുടെ വാഹനങ്ങള് പരിശോധിക്കുന്നതിനിടെ മാവോയിസ്റ്റുകള് ബസിനുള്ളില് പൊലീസുകാരെ കണ്ടെന്നും അങ്ങനെയാണ് അവരെ തട്ടിക്കൊണ്ട് പോയതെന്നും പൊലീസ് പറഞ്ഞു. സീനിയേഴ്സിനെ അറിയിക്കാതെയാണ് പൊലീസുകാര് ബസില് യാത്ര നടത്തിയതെന്ന് സംഭവത്തിന് ശേഷം ബിജാപ്പൂര് പൊലീസ് സൂപ്രണ്ട് കെ.എല്. ധ്രുവ പ്രതികരിച്ചു. മാവോയിസ്റ്റ് ബാധിത പ്രദേശങ്ങളിലൂടെ മതിയായ സുരക്ഷയില്ലാതെ സഞ്ചരിക്കാന് തങ്ങള് അനുവദിക്കാറില്ലെന്നും അദ്ദേഹം വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
