ഇറ്റാര്‍സി സ്‌റ്റേഷനിലെ സിഗ്‌നല്‍ തകരാറിനെ തുടര്‍ന്ന് നാളെ മുതല്‍ 21 വരെയുളള തീയതികളില്‍ ഏഴ് ട്രെയിനുകളുടെ പതിനഞ്ച് സര്‍വീസുകള്‍ റയില്‍വേ റദ്ദാക്കി. നിസാമുദ്ദീന്‍ , രപ്തിസാഗര്‍ , അഹല്യാനഗരി ട്രെയിനുകളുടെ യാത്രകള്‍ക്കാണ് മുടക്കം. കേരളത്തില്‍ നിന്നുളള ഡല്‍ഹി യാത്രക്കാരെയാണ് സര്‍വീസ് റദ്ദാക്കല്‍ പ്രധാനമായും ബാധിക്കുക.

നിസാമുദ്ദീന്‍ എറണാകുളം മംഗളാ ലക്ഷദ്വീപ് എക്‌സ്പ്രസിന്റെ 17 , 19 ,21 തീയതികളിലെ യാത്രയാണ് റദ്ദാക്കിയത്. നിസാമുദ്ദീന്‍ തിരുവനന്തപുരം എക്‌സ്പ്രസ് 17 നും എറണാകുളം നിസാമുദ്ദീന്‍ എക്‌സ്പ്രസ് 18 നും സര്‍വീസ് നടത്തില്ല. തിരുവനന്തപുരത്തു നിന്നും ന്യൂഡല്‍ഹിയിലേക്കുളള കേരള എക്‌സ്പ്രസിന്റെ 17,20 തീയതികളിലെ യാത്രയും 20 ന് തിരുവനന്തപുരത്തേക്കുളള മടക്കയാത്രയും റദ്ദാക്കി. 18, 20 തീയതികളില്‍ എറണാകുളം നിസാമുദ്ദീന്‍ മംഗളാ ലക്ഷദ്വീപ് എക്്‌സ്പ്രസ് സര്‍വീസ് നടത്തില്ല.

ഖൊരക്പൂര്‍ തിരുവനന്തപുരം രപ്തിസാഗര്‍ എക്‌സ്പ്രസിന്റെ 17 നുളള യാത്രയും തിരിച്ച് 21 ന് തിരുവനന്തപുരത്തു നിന്നും ഖൊരക്പൂരിേലക്കുളള സര്‍വീസും ഒഴിവാക്കി. തിരുവനന്തപുരം ഇന്‍ഡോര്‍ അഹല്യാനഗരി എക്‌സ്പ്രസിന്റെ 18 , 21 തീയതികളിലുളള സര്‍വീസും 20 ന് ഇന്‍ഡോറില്‍ നിന്ന് തിരുവനന്തപുരത്തേക്കുളള യാത്രയും റദ്ദാക്കിയവയില്‍ ഉള്‍പ്പെടുന്നു. റയില്‍വേ പാതയും സിഗ്‌നലും തമ്മില്‍ ബന്ധിപ്പിക്കുന്ന ഇറ്റാര്‍സി റയില്‍വേ സ്‌റ്റേഷനിലെ ആര്‍ആര്‍ഐ സംവിധാനത്തില്‍ ഒരു മാസം മുന്‍പുണ്ടായ തീപിടിത്തമാണ് സിഗ്‌നല്‍ തകരാറിലാക്കിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha