ഇന്റര്നെറ്റ് സമത്വം ഉറപ്പാക്കണം: ടെലികോം മന്ത്രാലയം
ആശ്വാസമായി ടെലികോം മന്ത്രാലയം. ഇന്റര്നെറ്റ് ഉപയോഗത്തിന് അധിക പണം ചുമത്താനുള്ള ടെലികോം കമ്പനികളുടെ നീക്കത്തിന് കനത്ത തിരിച്ചടി നല്കി ടെലികോം മന്ത്രാലയം. ഇന്റര്നെറ്റ് സമത്വ (നെറ്റ് ന്യൂട്രാലിറ്റി)ത്തിന്റെ അടിസ്ഥാന തത്വങ്ങള് ഉറപ്പാക്കണമെന്ന് ടെലികോം മന്ത്രാലയം പുറത്തുവിട്ട റിപ്പോര്ട്ടില് പറയുന്നു. 24 നിര്ദേശങ്ങളാണ് എ.കെ ഭാര്ഗവ അധ്യക്ഷനായ പാനല് സമര്പ്പിച്ച റിപ്പോര്ട്ടില് പറയുന്നത്.
രാജ്യമെങ്ങും സൗജന്യ ബ്രോഡ്ബാന്ഡ് സൗകര്യം ഏര്പ്പെടുത്തുക സര്ക്കാരിന്റെ ലക്ഷ്യമാണ്. ഇന്റര്നെറ്റില് ഫേസ്ബുക്ക്, ട്വിറ്റര്, വാട്സ്അപ്പ് തുടങ്ങിയ പ്രത്യേക സേവനങ്ങള്ക്ക് കൂടുതല് പണം വേണമെന്ന കമ്പനികളുടെ ആവശ്യം അംഗീകരിക്കാന് കഴിയില്ല. സേവന ദാതാക്കളുടെ ലൈസന്സ് നിബന്ധനകളില് നെറ്റ് സമത്വവും ഉള്പ്പെടുത്തണം.
നിയമപരമായ ഇന്റര്നെറ്റ് പ്രവര്ത്തനങ്ങളും ഉപയോഗങ്ങളും ഉപഭോക്താക്കള്ക്ക് നിഷേധിക്കാന് പാടില്ലെന്നും റിപ്പോര്ട്ടില് വ്യക്തമാക്കുന്നു. ഇന്റര്നെറ്റ് ഉപഭോക്താക്കളില് നിന്നും കൂടുതല് പണം ഈടാക്കാനുള്ള ടെലികോം കമ്പനികളുടെ ആവശ്യത്തില് പൊതുജനങ്ങളുടെ നിര്ദേശം സമര്പ്പിക്കാന് മന്ത്രാലയം അവസരം നല്കിയിരുന്നു. പത്തു ലക്ഷത്തോളം പേരാണ് ഇന്റര്നെറ്റ് സമത്വത്തിനായി വാദിച്ചത്.
https://www.facebook.com/Malayalivartha
