ഹോംവര്‍ക്ക് ചെയ്യാതെ വന്നാല്‍ ശിക്ഷ വലുതാകുമെന്ന് അദ്ധ്യാപകര്‍ പറയുന്നത് എത്ര സത്യമാണ്. അത്തരത്തിലൊരു ശിക്ഷയാണ് അഞ്ചാം ക്ലാസ് വിദ്യാര്‍ത്ഥിയ്ക്ക് നേരിടേണ്ടി വന്നത്. സ്‌കൂളില്‍ പഠിക്കാതെ വന്നതിന് അദ്ധ്യാപകന്‍ നല്‍കിയ ശിക്ഷ ചെറുതായിരുന്നില്ല. ഹോം വര്‍ക്ക് തലേദിവസം നല്‍കിയിട്ട് എഴുതാതെ വന്നതിനും അതോടൊപ്പം ചോദിച്ച ചോദ്യത്തിന് ഉത്തരം നല്‍കാത്തതിനുമാണ് അദ്ധ്യാപകന്‍ ആ വിദ്യാര്‍ത്ഥിയ്ക്ക് ക്രൂര ശിക്ഷ നല്‍കിയത്.
തെലുങ്കാനയില്‍ ഹുസുര്‍ബാദിലാണ് ഇത്തരത്തിലൊരു ക്രൂര സംഭവം. ഹുസുര്‍ബാദിലെ സ്വകാര്യസ്‌കൂളിലെ വിദ്യാര്‍ഥിനി കോലിപാകാ ആശ്രിതയാണ് മരിച്ചത്. കഴിഞ്ഞ ആഴ്ചയാണ് അധ്യാപകന്‍ കോലിപാകയെ ശിക്ഷിച്ചത്. മണിക്കൂറുകളോളം മുട്ടിന്‍മേല്‍ നിന്നതിനെ തുടര്‍ന്ന് അവശനിലയിലായ പെണ്‍കുട്ടിയെ വാറങ്കലിലെ ആശുപത്രിയില്‍ പ്രവേശിപ്പിക്കുകയായിരുന്നു. എന്നാല്‍ വ്യാഴാഴ്ച പെണ്‍കുട്ടി മരണത്തിന് കീഴടങ്ങി. സംഭവത്തെ തുടര്‍ന്ന് നാട്ടുകാര്‍ സ്‌കൂള്‍ ഉപരോധിക്കുകയും ചെയ്തു. അദ്ധ്യാപകനെതിരെ നടപടിയെടുക്കണമെന്നും നാട്ടുക്കാര്‍ ആവശ്യപ്പെട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha