ഐ.പി.എല്‍ വാതുവെപ്പ് കേസില്‍ വിധി പ്രഖ്യാപിക്കുന്നത് മാറ്റിവെക്കണമെന്ന് ഡല്‍ഹി പൊലീസ്. പാട്യാല ഹൗസ് പ്രത്യേക കോടതി അഡിഷണല്‍ സെഷന്‍സ് ജഡ്ജി നീന ബന്‍സാല്‍ കൃഷ്ണ വിധി പ്രസ്താവം തുടങ്ങാനിരിക്കെയാണ് പുതിയ ആവശ്യവുമായി പ്രോസിക്യൂഷന്‍ കോടതിയെ സമീപിച്ചത്.
വാതുവെപ്പ് കേസില്‍ അന്വേഷണം തുടരാനാണ് ലോധ കമ്മിറ്റി നിര്‍ദേശിച്ചത്. തമിഴ്‌നാട്, മഹാരാഷ്ട്ര, രാജസ്ഥാന്‍ പൊലീസിന്റെയും എന്‍ഫോഴ്‌സ്‌മെന്റ് വിഭാഗത്തിന്റെയും അന്വേഷണങ്ങള്‍ തുടരുകയാണ്. ഇവരെ ഏകോപിപ്പിക്കുകയും വിവരങ്ങള്‍ ശേഖരിക്കുകയും വേണം. അതിനാല്‍ തുടരന്വേഷണത്തിന് അനുമതി തരണമെന്നും പ്രോസിക്യൂഷന്‍ ആവശ്യപ്പെട്ടു.
അതേസമയം, കേസ് വൈകിപ്പിക്കാനാണ് പ്രോസിക്യൂഷന്‍ ശ്രമിക്കുന്നതെന്ന് ശ്രീശാന്തിന്റെ അഭിഭാഷകര്‍ വ്യക്തമാക്കി. ഇതേതുടര്‍ന്ന് വിധി പ്രഖ്യാപനം നാലാരയ്ക്ക് നടത്തുമെന്ന് ജഡ്ജി നീന ബന്‍സാല്‍ കൃഷ്ണ വ്യക്തമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha