ഐപിഎല് വാതുവയ്പ്പ് കേസ്: ശ്രീശാന്ത് കുറ്റവിമുക്തന്, വളരെയധികം നന്ദിയുണ്ടെന്ന് ശ്രീശാന്ത്
ഐപിഎല് വാതുവയ്പ്പ് കേസില് ശ്രീശാന്തിനെ ദൈവം തുണച്ചു. ശ്രീശാന്ത് അടക്കം എല്ലാ പ്രതികളെയും വെറുതെവിട്ടു. നാലരയോടെയാണ് വിധി പുറത്ത് വന്നത്. മക്കോക്ക അടക്കം ഒരു കുറ്റവും നിലനില്ക്കില്ലെന്നും കോടതി വ്യക്തമാക്കി. വളരെയധികം നന്ദിയുണ്ടെന്ന് ശ്രീശാന്ത് മാധ്യങ്ങളോട് പ്രതികരിച്ചു. വിധി കേള്ക്കാന് ശ്രീശാന്തും കുടുംബവും കോടതിയില് എത്തിയിരുന്നു.
മക്കോക്കയടക്കമുള്ള ഒരു കുറ്റവും നിലനില്ക്കില്ലെന്നും കോടതി വ്യക്തമാക്കി. ഡല്ഹി പാട്യാലഹൗസ് പ്രത്യേക കോടതിയില് അഡീഷണല് സെഷന്സ് ജഡ്ജി നീനാ ബന്സാല് കൃഷ്ണയാണ് കേസില് വിധി പറഞ്ഞത്. നിലവില് ബിസിസിയുടെ ആജീവനാന്ത വിലക്ക് നേരിടുന്ന ശ്രീശാന്തിന് ഈ കേസിലെ വിധി ഏറെ നിര്ണായകമാണ്.
ഇതേസയം കേസില് കൂടുതല് അന്വേഷണം വേണമെന്ന് ഡല്ഹി പൊലീസ് കോടതിയില് ആവശ്യപ്പെട്ടു. കേസില് മഹാരാഷ്ട്ര, തമിഴ്നാട്, രാജസ്ഥാന് എന്ഫോഴ്സ്മെന്റുകളുടെ അന്വേഷണം തുടരുകയാണ്. ഇവരുടെ അന്വേഷണം ഏകോപിപ്പിക്കണമെന്നുമാണ് ഡല്ഹി പൊലീസിന്റെ ആവശ്യം. കോടതിയില് ഇതുസംബന്ധിച്ച് അപേക്ഷ നല്കി. ഡല്ഹി പൊലീസിന്റെ അപേക്ഷയില് നാല് മണിക്ക് കോടതി തീരുമാനം പറയും. ഇതേസമയം കേസ് വൈകിപ്പിക്കാനാണ് ഡല്ഹി പൊലീസ് ശ്രമിക്കുന്നതെന്ന് ശ്രീശാന്തിന്റെ അഭിഭാഷകര് കോടതിയില് പറഞ്ഞു.
അതെസമയം വാതുവെപ്പ് കേസില് കുറ്റവിമുക്തനാക്കുമെന്നാണ് പ്രതീക്ഷയെന്ന് എസ്. ശ്രീശാന്ത് പറഞ്ഞു. അനുകൂല വിധിയുണ്ടാകുമെന്ന് വിശ്വസിക്കുന്നു. ദൈവം കൂടെയുണ്ടെന്നും എല്ലാവരും പ്രാര്ഥിക്കണമെന്നും ശ്രീശാന്ത് പറഞ്ഞു. കോടതി വിധി അറിയാന് ഡല്ഹിയിലേക്ക് പുറപ്പെടും മുമ്പ് മാധ്യമ പ്രവര്ത്തകരോട് സംസാരിക്കുകയായിരുന്നു അദ്ദേഹം. ശ്രീശാന്തിനെ ഭാര്യ ഭുവനേശ്വരി കുമാരിയും പിതാവ് ശാന്തകുമാരന് നായരും അനുഗമിക്കുന്നുണ്ട്.
ശ്രീശാന്തിനു പുറമേ ക്രിക്കറ്റ് താരങ്ങളായ അങ്കിത് ചവാന്, അജിത് ചാന്ദില, ചെന്നൈ സൂപ്പര് കിങ്സ് ഉടമ എന്. ശ്രീനിവാസന്റെ മരുമകന് ഗുരുനാഥ് മെയ്യപ്പന്, നടന് വിന്ദു ധാരാസിങ്, അധോലോക നായകന് ദാവൂദ് ഇബ്രാഹിം, കുട്ടാളി ഛോട്ടാ ഷക്കീല് എന്നിവരുള്പ്പെടെ 39 പേരാണു പ്രതിപ്പട്ടികയിലുള്ളത്. കേസ് ചുമത്തി രണ്ട് വര്ഷം പൂര്ത്തിയാകുമ്പോഴാണ് പ്രത്യേക കോടതി കേസില് വിധി പറയുന്നത്.
ഐപിഎല് വാതുവെപ്പ് കേസില് 2013 മെയ് 16നാണ് ശ്രീശാന്ത് ഉള്പ്പെടെയുള്ള പ്രതികളെ ഡല്ഹി പൊലീസ് അറസ്റ്റ് ചെയ്തത്. 2013 മേയ് ഒന്പതിന് മൊഹാലിയില് കിങ്സ് ഇലവന് പഞ്ചാബുമായി നടന്ന രാജസ്ഥാന് റോയല്സിന്റെ മല്സരത്തില് വാതുവയ്പുകാരുടെ നിര്ദേശപ്രകാരം തന്റെ രണ്ടാം ഓവറില് പതിനാല് റണ്സിലേറെ വിട്ടുകൊടുക്കാന് ശ്രീശാന്ത് ശ്രമിച്ചുവെന്നാണ് ഡല്ഹി പൊലീസിന്റെ ആരോപണം. കേസില് മഹാരാഷ്ട്ര സംഘടിത കുറ്റകൃത്യനിരോധന നിയമമായ മക്കോക്ക ഉള്പ്പെടെ കടുത്ത വകുപ്പുകള് ചേര്ത്താണ് പോലീസ് ശ്രീശാന്ത് ഉള്പ്പെടെയുളളവര്ക്കെതിരെ കേസെടുത്തിരിക്കുന്നത്.
ഐ.പി.എല് ഒത്തുകളികേസില് മക്കോക്ക ചുമത്തണോ വേണ്ടയോ എന്ന കോടതിയുടെ തീര്പ്പായിരിക്കും കേസിന്റെ ഗതി നിര്ണ്ണയിക്കുക. ഒത്ത് കളിക്ക് പിന്നില് അധോലോക സംഘാംഗം ദാവൂദ് ഇബ്രാഹിം ഉള്പ്പെട്ട സംഘമാണെന്നാണ് ഡല്ഹി പൊലീസിന്റെ ആരോപണം.
ഇതിന്റെ അടിസ്ഥാനത്തിലാണ് ശ്രീശാന്ത് അടക്കമുള്ളവര്ക്ക് മേല് 2005 മഹാരാഷ്ട്ര സംഘടിത കുറ്റകൃത്യ നിയമം മക്കോക്ക പ്രകാരം കേസെടുത്തത്. പ്രതികള്ക്ക് അധോലോകബന്ധം ഉണ്ടന്ന് സ്ഥാപിക്കാന് ഫോണ്കോളുകള് ഉണ്ടന്നായിരുന്നു സ്പെഷ്യല് പബ്ലിക് പ്രോസിക്യൂട്ടര് രാജീവ് മോഹന്റെ വാദം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
