പ്രണയം നടിച്ച് രാത്രി വീട്ടില്‍ നിന്നും വിളിച്ചുകൊണ്ടുപോയി 14 കാരിയെ ബലാത്‌സംഗം ചെയ്ത കേസില്‍ 24 കാരന്‍ അറസ്റ്റില്‍
പ്രണയം നടിച്ച് രാത്രി വീട്ടില്‍ നിന്നും വിളിച്ചുകൊണ്ടുപോയി 14 കാരിയെ ബലാത്‌സംഗം ചെയ്ത കേസില്‍ 24 കാരന്‍ അറസ്റ്റില്‍. പെണ്‍കുട്ടിയെ പ്രതിയുടെ വീടിനടുത്തുള്ള ഷെഡില്‍ എത്തിച്ച് ബലാത്‌സംഗത്തിന് ഇരയാക്കുകയായിരുന്നു. സംഭവത്തില്‍ ഏനാദിമംഗലം കുറുമ്ബക്കര ചരുവിള വടക്കതില്‍ ശരത്ത് ആണ് കൊട്ടിയം പോലീസിന്റെ പിടിയിലായത് .മൂന്നുമാസം മുമ്ബ് വീട്ടില്‍ നിര്‍മാണ പ്രവര്‍ത്തനങ്ങള്‍ക്ക് വന്ന ഇയാള്‍ പെണ്‍കുട്ടിക്ക് രഹസ്യമായി മൊബൈല്‍ ഫോണ്‍ വാങ്ങിക്കൊടുത്ത് ചങ്ങാത്തതിലാകുകയായിരുന്നു. തുടര്‍ന്ന് 22 ന് രാത്രി 11ന് പെണ്‍കുട്ടിയെ മൊബൈല്‍ ഫോണില്‍ ബന്ധപ്പെട്ട് വിളിച്ചിറക്കി ബൈക്കില്‍ ഇയാളുടെ വീടിനടുത്തുള്ള ഷെഡില്‍ എത്തിച്ച് പീഡിപ്പിച്ചു. പെണ്‍കുട്ടിയെ കാണാനില്ലെന്ന പരാതിയില്‍ പോലീസ് നടത്തിയ അന്വേഷണത്തിനൊടുവില്‍ ഇരുവരെയും കണ്ടെത്തുകയായിരുന്നു. വൈദ്യപരിശോധനയില്‍ പെണ്‍കുട്ടി പീഡിപ്പിക്കപ്പെട്ടതായി കണ്ടതിനെതുടര്‍ന്ന് ഇയാള്‍ക്കെതിരെ പോക്‌സോ പ്രകാരവും ബലാത്സംഗത്തിനും തട്ടിക്കൊണ്ടുപോകലിനും കേസ് രജിസ്റ്റര്‍ ചെയ്തു.
https://www.facebook.com/Malayalivartha
