നിര്‍മ്മലാ സീതാരാമന്റെ രണ്ട് ദിവസത്തെ ത്രിപുര സന്ദര്‍ശനത്തിന് ഇന്ന് തുടക്കം. ബിജെപിയും, ഇന്‍ഡിജെനസ് പീപ്പിള്‍സ് ഫ്രണ്ട് ഓഫ് ത്രിപുരയും (ഐപിഎഫ്ടി) സഖ്യം ചേര്‍ന്നതിനു ശേഷം ത്രിപുരയിലേക്കുള്ള മന്ത്രിയുടെ ആദ്യ സന്ദര്‍ശനമാണിത്.


ത്രിപുര മുഖ്യമന്ത്രി ബിപ്ലബ് കുമാര്‍ ദേബുമായി മന്ത്രി കൂടിക്കാഴ്ച നടത്തിയേക്കും. ഇതിനുശേഷം സംസ്ഥാനത്തിന്റെ വികസനവുമായി ബന്ധപ്പെട്ട വിവിധ വിഷയങ്ങള്‍ ചര്‍ച്ച ചെയ്യാന്‍ സംസ്ഥാന സര്‍ക്കാര്‍ ഉദ്യോഗസ്ഥരുമായും കൂടിക്കാഴ്ച നടത്തും .

സന്ദര്‍ശനത്തിന്റെ രണ്ടാം ദിവസം, ത്രിപുരയിലെ മൂന്നാമത്തെ വലിയ നഗരമായ ഉദയ്പൂരിലേക്ക് പോകും, പ്രശസ്തമായ ത്രിപുര സുന്ദരി ക്ഷേത്ര ദര്‍ശനത്തിനായാണ് മന്ത്രി എത്തുന്നത്.