അസമില് ദിമ ഹസാവോ ജില്ലയില് കല്ക്കരി ട്രാക്ടറുകള് അഗ്നിക്കിരയായി... അഞ്ചു പേര് കൊല്ലപ്പെട്ടു
അസമില് ദിമ ഹസാവോ ജില്ലയില് കല്ക്കരി ട്രാക്ടറുകള് അഗ്നിക്കിരയാക്കി. അഞ്ചുപേര് കൊല്ലപ്പെട്ടു. ദിമാസ നാഷനല് ലിബറേഷന് ആര്മിയുടെ നേതൃത്വത്തിലായിരുന്നു അക്രമമുണ്ടായത്.
ദിയുന്മുഖ് പൊലീസ് സ്റ്റേഷനില്നിന്ന് അഞ്ച് കിലോമീറ്റര് അകലെ രങ്കേര്ബീല് പ്രദേശത്താണ് സംഭവം. ഇവിടെ നിര്ത്തിയിട്ടിരുന്ന ട്രക്കുകളിലേക്ക് വ്യാഴാഴ്ച രാത്രി അക്രമികള് നിറയൊഴിക്കുകയായിരുന്നു.
രണ്ടു ട്രക്ക് ഡ്രൈവര്മാര് വെടിയേറ്റ് മരിച്ചു. ട്രക്കുകള് കത്തിച്ചതിന്റെ ഇടയില്പ്പെട്ടാണ് മൂന്നുമരണം. അക്രമികള്ക്കായി തിരച്ചില് ആരംഭിച്ചതായി പൊലീസ് പറഞ്ഞു. പ്രദേശത്ത് നിരീക്ഷണം കടുപ്പിച്ചതായും പൊലീസ് .
തങ്ങള്ക്ക് പൊലീസ് സുരക്ഷ ഉറപ്പാക്കണമെന്നും അക്രമികള് തങ്ങളോട് പണം ആവശ്യപ്പെട്ടതായും ട്രക്ക് ഡ്രൈവര്മാര് പൊലീസിനോട് പറഞ്ഞു.
"
https://www.facebook.com/Malayalivartha