ലളിത് മോഡി വിഷയത്തില്‍ കേന്ദ്ര വിദേശകാര്യ മന്ത്രി സുഷമാ സ്വരാജിനെതിരേ ഗുരുതര ആരോപണവുമായി കോണ്‍ഗ്രസ് ഉപാദ്ധ്യക്ഷന്‍ രാഹുല്‍ ഗാന്ധി രംഗത്ത്. ലളിത് മോഡിക്ക് യാത്രാ രേഖകള്‍ ശരിയാക്കി നല്‍കിയതിന് പകരമായി സുഷമ, ഭര്‍ത്താവ്, മകള്‍ എന്നിവര്‍ക്ക് മോഡി എത്ര പണം നല്‍കിയെന്ന് വെളിപ്പെടുത്തണമെന്ന് മാദ്ധ്യമ പ്രവര്‍ത്തകരോട് സംസാരിക്കവെ രാഹുല്‍ ആവശ്യപ്പെട്ടു.

ഒരു കൊള്ളയോ മോഷണമോ നടക്കമ്പോള്‍ സാമ്പത്തിക ഇടപാടുകള്‍ നടക്കും. അത്തരം ഇടപാട് ഇവിടെയും നടന്നിട്ടുണ്ട്. സുഷമാ സ്വരാജിന്റെ കുടുംബം ലളിത് മോദിയില്‍ നിന്നും പണം കൈപ്പറ്റിയിട്ടുണ്ട്. ഭര്‍ത്താവും മകളും ലളിത് മോദിയില്‍ നിന്നും എത്ര രൂപയാണ് കൈപ്പറ്റിയതെന്ന് സുഷമ സ്വരാജഡ് വ്യക്തമാക്കണം\' രാഹുല്‍ ഗാന്ധി പറഞ്ഞു.
മികച്ച പ്രസംഗമാണ് സുഷമ പാര്‍ലമെന്റില്‍ നടത്തിയത്. എന്നാല്‍ അത് മുഴുവന്‍ പൊള്ളയായിരുന്നുവെന്നും രാഹുല്‍ ഗാന്ധി പരിഹസിച്ചു. രാഹുല്‍ ഗാന്ധി പരിഹസിച്ചു. തന്റെ സ്ഥാനത്ത് സോണിയാ ഗാന്ധിയായിരുന്നുവെങ്കില്‍ മോദിയുടെ ഭാര്യയെ സഹായിക്കുമായിരുന്നില്ലേ എന്ന സുഷമാ സ്വരാജിന്റെ ചോദ്യയത്തിന് സഹായിക്കില്ല എന്നാണ് തന്റെ മറുപടിയെന്നും രാഹുല്‍ ഗാന്ധി പറഞ്ഞു.
കോണ്‍ഗ്രസ് എം.പിമാരെ സസ്‌പെന്‍ഡ് ചെയ്തതില്‍ പ്രതിഷേധിച്ച് പാര്‍ലമെന്റിന് പുറത്ത് നടത്തിയ ധര്‍ണ്ണയ്ക്ക് ശേഷം സംസാരിക്കുകയായിരുന്നു അദ്ദേഹം. അതേസമയം സുഷമാസ്വരാജ് മികച്ച നടിയാണെന്ന് സോണിയാ ഗാന്ധി അഭിപ്രായപ്പെട്ടു. എം.പിമാരുടെ രാജിയാവശ്യപ്പട്ടുകൊണ്ടുള്ള പ്രതിപക്ഷ ബഹളത്തില്‍ സഭ ഇന്നും തടസപ്പെട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha