കാറ്റും വെളിച്ചവുമുള്ള മുറി വേണം, അജ്മല് കസബിന്റെ സഹായി ജയിലില് നിരാഹാരത്തില്
2008 മുംബൈ ഭീകരാക്രമണക്കേസിലെ പ്രതി അബു ജുന്ഡാല് കാറ്റും വെളിച്ചവുമുള്ള മുറി ആവശ്യപ്പെട്ട് ജയിലില് നിരാഹാരത്തില്. കേസില് പിടിയിലായി പിന്നീട് തൂക്കിലേറ്റിയ പാക്ക് ഭീകരന് അജ്മല് കസബിന്റെ സഹായിയാണ് ഇയാള്. ഇന്ത്യന് പൗരനായ ജുന്ഡാല് രാജ്യദ്രോഹപ്രവര്ത്തനങ്ങള് നടത്തിയെന്നു കണ്ടെത്തിയതിനെത്തുടര്ന്നാണ് ജയിലില് അടച്ചത്.
മുംബൈ ഭീകരാക്രമണത്തിന്റെ സമയത്ത് പാക്ക് രഹസ്യകേന്ദ്രങ്ങളില് നിന്നുള്ള നിര്ദേശങ്ങള് കസബ് ഉള്പ്പെടെയുള്ള ഭീകരര്ക്കു ഫോണിലൂടെ കൈമാറിയത് ജുന്ഡാലാണെന്ന് അന്വേഷണ ഉദ്യോഗസ്ഥര്ക്കു തെളിവുലഭിച്ചിട്ടുണ്ട്. ഇതു തെളിയിക്കുന്ന ശബ്ദസന്ദേശങ്ങളും പുറത്തുവന്നിട്ടുണ്ട്. മുംബൈ ഭീകരാക്രമണത്തിനു ശേഷം സൗദി അറേബ്യയിലേക്കു കടന്ന ജുന്ഡാല് 2012ലാണ് പിടിയിലാകുന്നത്.
കഴിഞ്ഞ മൂന്നു വര്ഷമായി അര്തര് റോഡ് ജയിലില് ജനലുകളില്ലാത്ത സെല്ലിലാണ് ഇയാളെ പാര്പ്പിച്ചിരുന്നത്. പുറംലോകവുമായി ബന്ധമില്ലാത്ത സാഹചര്യം തന്നെ മാനസികമായി തളര്ത്തുന്നുവെന്നും എംസിഒസിഎ കോടതിയില് നല്കിയ അപേക്ഷയില് ജുന്ഡാല് പറയുന്നു. കസബിനെ പോലെ അപ്രതീക്ഷിതമായി വധശിക്ഷയ്ക്കു വിധേയനാക്കപ്പെടുമോ എന്നു ജുന്ഡാല് ഭയക്കുന്നതായി അഭിഭാഷകന് ആസിഫ് നഖ്വി കോടതിയില് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
