നാട്ടുകാരെ പോലീസിലെടുത്തു… ജീവന് പണയപ്പെടുത്തി ഭീകരനെ ജീവനോടെ പിടികൂടിയ രണ്ട് ഗ്രാമീണ യുവാക്കളെ പോലീസിലെടുത്തു
ജീവന് പണയപ്പെടുത്തി ഭീകരനെ ജീവനോടെ പിടികൂടിയ ഗ്രാമീണര്ക്ക് സര്ക്കാരിന്റെ ആദരം. ഉദംപൂരില് ആക്രമണം നടത്തിയ പാക് ലഷ്കര് ഇ തൊയ്ബ അംഗം മുഹമ്മദ് ഉസ്മാനെ പിടികൂടിയവര്ക്കാണ് കാശ്മീര് സര്ക്കാരിന്റെ ആദരം. രാജ്യത്തിന്റെ അഭിമാനമുയര്ത്തിയവര് ഇനി പൊലീസുകാരായി തിളങ്ങും. സ്വയരക്ഷ പോലും കണക്കിലെടുക്കാതെ ഭീകരനെ ജീവനോടെ പിടികൂടിയ രണ്ട് ഗ്രാമീണ യുവാക്കള്ക്കും ജമ്മു കാശ്മീര് പൊലീസില് നിയമനം നല്കി.
പഖ്ലായി സ്വദേശി രാകേഷ് കുമാര് ശര്മ, നാനാക് നഗര് സ്വദേശി ബിക്രംജീത് സിങ് എന്നവരാണ് ജമ്മു കാശ്മീര് പൊലീസിലേക്ക് തെരഞ്ഞെടുക്കപ്പെട്ടത്. പാക് തീവ്രവാദിയെ പിടികൂടാന് ഇരുവരും കാണിച്ച ധൈര്യം കണക്കിലെടുത്ത് സ്വാതന്ത്ര ദിനത്തില് യുവാക്കള്ക്ക് ശൗര്യചക്ര നല്കി ആദരവ് പ്രകടിപ്പിക്കണമെന്നാണ് സംസ്ഥാന സര്ക്കാരിന്റെ നിര്ദ്ദേശം. ഇതിന് കേന്ദ്ര സര്ക്കാരിനോട് ശുപാര്ശ ചെയ്യുന്നതിനും സംസ്ഥാന സര്ക്കാര് തീരുമാനിച്ചു.
യുവാക്കളില് രാകേഷ് കുമാര് ശര്മയെ സംസ്ഥാന പൊലീസില് കോണ്സ്റ്റബിള് തസ്തികയില് നിയമിക്കാനാണ് അധികൃതരുടെ തീരുമാനം. ബിക്രം ജീത് സിങിന്റെ നിയമനത്തില് അദ്ദേഹത്തിന്റെ വിദ്യാഭ്യാസ മാനദണ്ഡങ്ങളില് ഇളവ് വരുത്തണമെന്ന് ആവശ്യപ്പെട്ട് ഉടന് സര്ക്കാരിനെ സമീപിക്കും.
ഉദംപൂരില് ബി.എസ്.എഫ് വാഹനത്തിന് നേരെ ആക്രമണം നടത്തിയശേഷം രക്ഷപ്പെടാനുള്ള ശ്രമത്തിന് ഇടയിലാണ് പാക് ഭീകരന് മുഹമ്മദ് ഉസ്മാന് പിടിയിലാകുന്നത്.
ജമ്മുശ്രീനഗര് ദേശീയപാതയിലെ സാംരോളിയില് ബി.എസ്.എഫ്. വാഹനങ്ങള്ക്കുനേരെ ഗ്രനേഡെറിഞ്ഞാണ് ഭീകരര് സാന്നിധ്യമറിയിച്ചത്. പിന്നാലെ വെടിവെപ്പ്. സൈനികര് പ്രത്യാക്രമണം ആരംഭിച്ചു. അഞ്ചുമണിക്കൂറോളംനീണ്ട ഏറ്റുമുട്ടലിനിടെ ഒരു ഭീകരനെ സൈന്യം വധിക്കുന്നു. ഇതോടെ സമീപത്തെ കുഗ്രാമമായ ചിര്ദിയിലേക്ക് ഉസ്മാന് രക്ഷപ്പെട്ടു. ചിര്ദിയില് വീട്ടിനുള്ളില് കയറി മൂന്നു ഗ്രാമവാസികളെ ഉസ്മാന് തോക്കുചൂണ്ടി ബന്ദിയാക്കി. തുടര്ന്നു തോക്കുചൂണ്ടി രക്ഷപ്പെടാനുള്ള വഴി കാണിച്ചുകൊടുക്കാന് ആവശ്യപ്പെട്ടു. ഇതിനിടെ ബന്ദികളായ വിക്രംജിത്, രാകേഷ് എന്നിവര് കാണിച്ച ധീരതയാണ് ഇയാളെ കുടുക്കിയത്. രാകേഷ് അയാളെ പിടിച്ചുവയ്ക്കുകയും വിക്രംജിത് തോക്കു തട്ടിമാറ്റുകയും ചെയ്തു. ബലപ്രയോഗത്തിനിടെ അയാള് വെടിവച്ചെങ്കിലും ആര്ക്കും ജീവാപായമുണ്ടായില്ല. ഇതിനിടെ പ്രദേശം വളഞ്ഞിരുന്ന പൊലീസും സൈന്യവും സ്ഥലത്തെത്തി ഇയാളെ കൊണ്ടുപോയി. ഈ ധീരതയ്ക്കാണ് ഇപ്പോള് അംഗീകാരമെത്തുന്നത്.
സബിനുശേഷം ജീവനോടെ പിടികൂടുന്ന ആദ്യ ഭീകരനാണ് ഇയാള്. 16 വയസ്സിനോടടുത്ത് പ്രായം. സ്വദേശം പാക്കിസ്ഥാനിലെ ഫൈസലാബാദ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
