ഒമിക്രോണിന് ഡെല്റ്റയേക്കാള് മൂന്നിരട്ടി വ്യാപനശേഷിയുണ്ടെന്ന് കേന്ദ്ര ആഭ്യന്തര മന്ത്രാലയം.... വാര് റൂമുകള് സജ്ജമാക്കാന് സംസ്ഥാനങ്ങള്ക്കും കേന്ദ്ര ഭരണപ്രദേശങ്ങള്ക്കും നിര്ദേശം നല്കി കേന്ദ്ര ആരോഗ്യ സെക്രട്ടറി
ഒമിക്രോണിന് ഡെല്റ്റയേക്കാള് മൂന്നിരട്ടി വ്യാപനശേഷിയുണ്ടെന്ന് കേന്ദ്ര ആഭ്യന്തര മന്ത്രാലയം.... വാര് റൂമുകള് സജ്ജമാക്കാന് സംസ്ഥാനങ്ങള്ക്കും കേന്ദ്ര ഭരണപ്രദേശങ്ങള്ക്കും നിര്ദേശം നല്കി കേന്ദ്ര ആരോഗ്യ സെക്രട്ടറി .
രാത്രികര്ഫ്യൂ പോലെയുള്ള നിയന്ത്രണങ്ങള് ഏര്പ്പെടുത്തുക, വലിയ ജനക്കൂട്ടം ഒഴിവാക്കുക, വിവാഹങ്ങള്ക്കും മരണത്തിനും പങ്കെടുക്കാവുന്ന ആളുകളുടെ എണ്ണം കുറയ്ക്കുക, പരിശോധന കൂട്ടുക തുടങ്ങിയ നിര്ദേശങ്ങളാണ് ആരോഗ്യ മന്ത്രാലയം നല്കിയിട്ടുള്ളത്.
പ്രാദേശിക അടിസ്ഥാനത്തിലും ജില്ലാ അടിസ്ഥാനത്തിലും തയ്യാറെടുപ്പുകള് ക്രമീകരിക്കാനാണു നിര്ദേശം. കഴിഞ്ഞ ഒരാഴ്ചയ്ക്കുള്ളില് 10 ശതമാനമോ അതില് കൂടുതലോ ടെസ്റ്റ് പോസിറ്റിവിറ്റി നിരക്ക് അല്ലെങ്കില് ഐസിയു കിടക്കകളില് 40 ശതമാനത്തില് അധികം രോഗികള് ഉള്ള സ്ഥലങ്ങളിലും കര്ശനനിയന്ത്രണം വേണം.
കോവിഡ് പോസിറ്റീവ് ആകുന്നവരുടെ സമ്പര്ക്കപ്പട്ടിക തയാറാക്കണം.ക്ലസ്റ്റര് അണുബാധകളില് നിന്നുള്ള സാമ്പിളുകള് ഉടന് തന്നെ ജനിതക ശ്രേണീകരണത്തിനായി ലാബുകളിലേക്ക് അയയ്ക്കണമെന്നും ആരോഗ്യമന്ത്രാലയം കത്തില് വ്യക്തമാക്കുന്നു.
ആശുപത്രികളില് ആവശ്യത്തിന് കിടക്കകള് തയ്യാറാക്കാനും ആംബുലന്സ്, ഓക്സിജന് ലഭ്യത എന്നിവ ഉറപ്പുവരുത്താനും നിര്ദേശത്തില് വ്യക്തമാക്കുന്നു. പരിശോധനകളുടെ കാര്യത്തിലും കൂടുതല് ശ്രദ്ധ അത്യാവശ്യമാണ്. വാക്സിനേഷന് എത്രയും വേഗം പൂര്ത്തിയാക്കാനും സംസ്ഥാനങ്ങളോട് ആവശ്യപ്പെട്ട് കേന്ദ്രം.
"
https://www.facebook.com/Malayalivartha