വളര്ത്തുനായയ്ക്ക് പേരിട്ടതിനെ ചൊല്ലി തര്ക്കം.... അയല്വാസിയുടെ ഇരട്ടപ്പേര് വളര്ത്തുനായ്ക്ക് ഇട്ടു, വാക്കു തര്ക്കത്തിനൊടുവില് മണ്ണെണ്ണ ഒഴിച്ച് വീട്ടമ്മയെ തീകൊളുത്തി അയല്ക്കാരന് , നിലവിളി കേട്ട് അയല്ക്കാര് ഓടിയെത്തി, ഒടുവില്....
വളര്ത്തുനായയ്ക്ക് പേരിട്ടതിനെ ചൊല്ലി തര്ക്കം.... അയല്വാസിയുടെ ഇരട്ടപ്പേര് വളര്ത്തുനായ്ക്ക് ഇട്ടു, വാക്കു തര്ക്കത്തിനൊടുവില് മണ്ണെണ്ണ ഒഴിച്ച് വീട്ടമ്മയെ തീകൊളുത്തി അയല്ക്കാരന്.
ഗുജറാത്തിലെ ഭാവ്നഗറില് തിങ്കളാഴ്ച വൈകിട്ടാണ് സംഭവം. നീതാബെന് സര്വൈയ എന്ന മുപ്പത്തഞ്ചുകാരിക്കു നേരെയാണ് ആക്രമണം നടന്നത്. ഗുരുതരമായി പൊള്ളലേറ്റ നീതാബെന്നിനെ ഭാവ്നഗറിലെ സര്ക്കാര് ആശുപത്രിയില് പ്രവേശിപ്പിച്ചു. നീതാബെന്, തന്റെ വളര്ത്തുനായയ്ക്ക് സോനു എന്നു പേരിട്ടതിനെ ചൊല്ലിയുള്ള വഴക്കാണ് ആക്രമണത്തില് കലാശിച്ചത്.
നീതാബെന്നിന്റെ അയല്വാസി സുരാഭായ് ഭര്വാഡിന്റെ ഭാര്യയുടെ ഇരട്ടപ്പേരാണ് 'സോനു' എന്നത്. ഇതില് പ്രകോപിതനായ സാരാഭായിയും മറ്റ് അഞ്ചുപേരും നീതാബെന്നിന്റെ വീട്ടില് അതിക്രമിച്ചു കയറി ആക്രമണം നടത്തി. ആ സമയത്ത് നീതാബെന്നും ഇളയ മകനും മാത്രമായിരുന്നു വീട്ടിലുണ്ടായിരുന്നത്. ഇവരുടെ ഭര്ത്താവും മറ്റു രണ്ടുമക്കളും പുറത്തു പോയിരിക്കുകയായിരുന്നു.
വീട്ടില് കടന്ന സാരാഭായിയും സംഘവും നായ്ക്കുട്ടിക്ക് സോനു എന്നു പേരിട്ടതില് എതിര്പ്പ് പ്രകടിപ്പിച്ചു. സാരാഭായി തന്നെ ചീത്തവിളിച്ചെന്നും താന് വരെ അവഗണിക്കുകയാണ് ചെയ്തതെന്നും നീതാബെന് പോലീസിന് നല്കിയ മൊഴിയില് വ്യക്തമാക്കുന്നുണ്ട്.
തുടര്ന്ന് അടുക്കളയിലേക്ക് പോയ നീതാബെന്നിനെ മൂന്നുപേര് പിന്തുടര്ന്നു. ശേഷം അവരില് ഒരാള് കന്നാസില്നിന്ന് മണ്ണെണ്ണ തന്റെ ദേഹത്തേക്ക് ഒഴിക്കുകയും തീപ്പെട്ടി ഉരച്ചിടുകയുമായിരുന്നെന്നുമാണ് നീതാബെന് പോലീസിന് നല്കിയ മൊഴി.
ദേഹത്ത് തീപടര്ന്നതോടെ നീതാബെന് ബഹളമുണ്ടാക്കുകയും നിലവിളിക്കുകയും ചെയ്തു. ഇവരുടെ നിലവിളി കേട്ട് അയല്ക്കാര് ഓടിയെത്തി. പുറത്തുപോയിരുന്ന നീതാബെന്നിന്റെ ഭര്ത്താവ് ഈ സമയം വീട്ടിലെത്തിയിരുന്നു.
ഇവരെല്ലാവരും ചേര്ന്ന് നീതാബെന്നിന്റെ ദേഹത്തെ തീയണയ്ക്കുകയായിരുന്നു. അതേസമയം, നീതാബെന് നായയ്ക്ക് സോനു എന്നു പേരിട്ടത് മനഃപൂര്വമാണെന്ന് സാരാഭായ് പോലീസിനോടു പറഞ്ഞു. നീതാബെന്നിന്റെ കുടുംബവും സാരാഭായിയുടെ കുടുംബവും തമ്മില് മുന്പ് ജലവിതരണവുമായി ബന്ധപ്പെട്ട് തര്ക്കമുണ്ടായിരുന്നെന്ന് പോലീസ് പറഞ്ഞു. എന്നാല് ആ വിഷയം പരിഹരിക്കപ്പെടുകയും ചെയ്തിരുന്നു. വധശ്രമം ഉള്പ്പെടെയുള്ള കുറ്റങ്ങള് ചുമത്തി ആറുപേര്ക്കെതിരെ പോലീസ് രജിസ്റ്റര് ചെയ്തു.
" f
https://www.facebook.com/Malayalivartha