ബിഹാറിലെ എന്‍ഡിഎ സീറ്റു വിഭജനത്തില്‍ സഖ്യകക്ഷി നേതാവായ കേന്ദ്രമന്ത്രി റാംവിലാസ് പാസ്വാന് അസന്തുഷ്ടിയെന്നു സൂചന. മാഞ്ചിയുമായുള്ള പ്രശ്‌നം പരിഹരിച്ചതിന് ശേഷം ഇത് വീണ്ടും ബിജെപിക്ക് തലവേദനയായിരിക്കുകയാണ്. ആദ്യഘട്ട ചര്‍ച്ചകളില്‍ നിശ്ചയിച്ചിരുന്നതിനേക്കാള്‍ കൂടുതല്‍ സീറ്റുകള്‍ മുന്‍ മുഖ്യമന്ത്രി ജിതന്‍ റാം മാഞ്ചിയുടെ എച്ച്എഎം പാര്‍ട്ടിക്കു നല്‍കിയതാണ് പാസ്വാനെ അലോസരപ്പെടുത്തുന്നത്. കൂടുതല്‍ സീറ്റുകള്‍ കിട്ടണമെന്നാണ് പാസ്വാന്റെ വാദം.
ബിജെപി ചിഹ്നത്തില്‍ അഞ്ച് എച്ച്എഎം സ്ഥാനാര്‍ഥികളെ മല്‍സരിപ്പിക്കാനുള്ള തീരുമാനത്തോടാണ് പാസ്വാനു വിയോജിപ്പ്. എച്ച്എഎമ്മിനു കൂടുതല്‍ സീറ്റുകള്‍ വിട്ടുകൊടുക്കുന്ന സാഹചര്യത്തില്‍ എല്‍ജെപിക്കും മൂന്നോ നാലോ സീറ്റുകള്‍ കൂടുതല്‍ ലഭിക്കാന്‍ അര്‍ഹതയുണ്ടെന്നാണ് പാസ്വാന്റെ വാദം.
അതേ സമയം, പാസ്വാന്‍ പരസ്യമായി പ്രതിഷേധത്തിനു തയാറാകില്ലെന്നും ബിജെപി കരുതുന്നു. എന്‍ഡിഎ സീറ്റു വിഭജന പ്രഖ്യാപന ചടങ്ങില്‍ ബിജെപി അധ്യക്ഷന്‍ അമിത് ഷായ്ക്കും മറ്റു സഖ്യകക്ഷി നേതാക്കള്‍ക്കുമൊപ്പം പാസ്വാനും സന്നിഹിതനായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha