നാടൊട്ടുക്ക് നാട്ടാരെ ഓടിച്ചിട്ട് നായകടിക്കുമ്പോള്‍ പരിഹാരനിര്‍ദ്ദേശവുമായി കേന്ദ്രമന്ത്രി. തെരുവുനായ്ക്കളുടെ ആക്രമണത്തില്‍ നിന്നും രക്ഷ നേടാന്‍ മരം കണ്ടുപിടിക്കാന്‍ കേന്ദ്രമന്ത്രി മേനക ഗാന്ധി. ഫെയ്‌സ് ബുക്കിലൂടെ ചോദ്യങ്ങള്‍ക്ക് മറുപടി പറയുമ്പോഴാണ് മന്ത്രി വിവാദപരാമര്‍ശം നടത്തിയത്. എല്ലാ അക്രമങ്ങള്‍ക്കും കാരണം പുരുഷന്‍മാരാണെന്നും മന്ത്രി പറഞ്ഞു. ആദ്യ ചോദ്യത്തിനുള്ള മറുപടി തന്നെ വിവാദമായതോടെ നിരവധിപ്പേര്‍ വിമര്‍ശനങ്ങളുമായെത്തി. മകളായ ഷീന ബോറയെ കൊലപ്പെടുത്തിയെന്ന കേസില്‍ അന്വേഷണം നേരിടുന്ന ഇന്ദ്രാണി മുഖര്‍ജിയെ ചൂണ്ടിക്കാട്ടിയായിരുന്നു ഭൂരിഭാഗം വിമര്‍ശനങ്ങളും.
എന്നാല്‍ സൗദി നയതന്ത്രജ്ഞന്‍ നേപ്പാളി സ്വദേശികളായ സ്ത്രീകളെ ഗുഡ്ഗാവിലെ ഫല്‍റ്റില്‍ വെച്ച് ബലാത്സംഗം ചെയ്‌തെന്ന കേസ് ചൂണ്ടിക്കാട്ടി മന്ത്രി എതിര്‍വാദമുന്നയിച്ചു. സംഭവം എല്ലാവരുടെയും കണ്ണ് തുറപ്പിക്കണമെന്നും മേനക ഗാന്ധി ആവശ്യപ്പെട്ടു.
എതിര്‍ലിംഗത്തില്‍പ്പെട്ടവരോടും മൃഗങ്ങളോടും സഹാനുഭൂതിയോടെ പെരുമാറാന്‍ പഠിപ്പിക്കുന്ന തരത്തിലായിരിക്കണം രാജ്യത്തെ വിദ്യാഭ്യാസ സമ്പ്രദായമെന്ന് മേനക ഗാന്ധി പറഞ്ഞു. ഓരോ ഏഴ് മിനിറ്റിലും ഒരോ പുതിയ സ്‌കൂള്‍ ആവശ്യമാണ് എന്ന അവസ്ഥയിലാണ് ഇന്ത്യ.
വനിതാ സംവരണ ബില്‍ അടുത്ത കാലത്തൊന്നും പാര്‍ലമെന്റില്‍ പാസാകുമെന്ന് വിചാരിക്കുന്നില്ലെന്നും വനിതാ ശിശുക്ഷേമ മന്ത്രിയായ മേനക ഗാന്ധി ചോദ്യത്തിന് മറുപടിയായി പറഞ്ഞു. നായ വിഷയം സംബന്ധിച്ച് മന്ത്രിയുടെ പ്രസ്താവന വിവാദത്തിന് ഇടയാക്കിയിട്ടുണ്ട്. മന്ത്രി ഡല്‍ഹിയില്‍ കാറിലും നാട്ടുകാര്‍ നിരത്തിലൂടെയുമാണല്ലോ നടക്കുന്നത് എന്നതാണ് പ്രധാന വിമര്‍ശനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha