ഡല്‍ഹിയില്‍ ഡെങ്കിപ്പനി ബാധിച്ചു ഒരു കൂട്ടി കൂടി മരിച്ചു. തെക്കന്‍ ഡല്‍ഹിയിലെ ശ്രീനിവാസ്പുരി സ്വദേശിയായ ആറുവയസുകാരന്‍ അമന്‍ ആണ് മരിച്ചത്. ഇതോടെ ഡെങ്കിപ്പനി ബാധിച്ച് തലസ്ഥാനത്തു മരിച്ചവരുടെ എണ്ണം 10 ആയി.
അതേസമയം കുട്ടിയുടെ മരണം ചികിത്സ പിഴവു മൂലമാണെന്ന് പിതാവ് മനോജ് ശര്‍മ ആരോപിച്ചു. ആദ്യം ശ്രീനിവാസ്പുരിയിലെ സ്വകാര്യ ആശുപത്രിയില്‍ പ്രവേശിപ്പിച്ച കുട്ടിയെ സെപ്റ്റംബര്‍ ഒന്‍പതിനു സ്ഫദര്‍ജംഗ് ആശുപത്രിയിലേയ്ക്ക് മാറ്റി. എന്നാല്‍ സഫ്ദര്‍ജംഗ് ആശുപത്രിയിലെ ഡോക്ടര്‍ കുട്ടിയെ പരിശോധിച്ച ശേഷം ഡെങ്കിപ്പനിയില്ലെന്നും വീട്ടിലേയ്ക്ക് മടങ്ങാവെന്നും നിര്‍ദ്ദേശിച്ചു. നില അല്പം മെച്ചമായിരുന്നതിനാല്‍ തങ്ങള്‍ കുട്ടിയെകൊണ്ടു വീട്ടിലേയ്ക്ക് മടങ്ങിയെന്നും പിതാവ് പറഞ്ഞു. എന്നാല്‍ സെപ്റ്റംബര്‍ 11നു കുട്ടിയുടെ നില വീണ്ടും വഷളായതിനാല്‍ മഹാറാണി ബാഗിലെ ജീവാന്‍ ആശുപത്രിയില്‍ പ്രവേശിപ്പിച്ചു. ഒരു ദിവസം ഇവിടെ ചികിത്സിച്ച കുട്ടിയെ ശനിയാഴ്ച പുലര്‍ച്ചെയോടെ മെച്ചപ്പെട്ട ചികിത്സ കിട്ടുന്ന മറ്റ് ആശുപത്രിയിലേയ്ക്ക് മാറ്റാന്‍ ജീവാന്‍ ആശുപത്രി അധികൃതര്‍ നിര്‍ദ്ദേശിച്ചു. തുടര്‍ന്ന് മറ്റ് പല ആശുപത്രികളും എത്തിച്ചെങ്കിലും കിടക്കാന്‍ കട്ടിലില്ലെന്ന് പറഞ്ഞു ഒഴിവാക്കിയതിനാല്‍ വീണ്ടും സഫ്ദര്‍ജംഗ് ആശുപത്രിയില്‍ മൂന്ന് മണിക്കൂറോളം കിടത്തി. പിന്നീട് ഹോളി ഫാമിലി ആശുപത്രിയില്‍ എത്തിച്ചു പരിശോധന നടത്തിയപ്പോഴാണ് ഡെങ്കിപ്പനി ബാധ സ്ഥിരീകരിച്ചത്. ഞായറാഴ്ച ഉച്ചയ്ക്ക് ശേഷം നില വഷളായി കുട്ടി മരണത്തിനു കീഴടങ്ങുകയായിരുന്നു.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha