റോമാ സാമ്രാജ്യം കത്തിയെരിഞ്ഞപ്പോള്‍ വീണ വായിച്ച് രസിച്ച വ്യക്തിയാണ് നീറോ ചക്രവര്‍ത്തിയെന്ന് ചരിത്രം പറയുന്നു. എന്നാല്‍ നിലവിലെ നീറോമാരാകാന്‍ ഇപ്പോഴത്തെ പൊതുപ്രവര്‍ത്തകര്‍ മത്സരിക്കുകയാണ്. ചെന്നൈ വെള്ളത്തില്‍ മുങ്ങി നഗരവാസികള്‍ ദുരിതമനുഭവിക്കുമ്പോള്‍ ഡി.എം.കെ. നേതാവും മുന്‍ മുഖ്യമന്ത്രി കരുണാനിധിയുടെ രാഷ്ട്രീയ പിന്‍ഗാമിയും കൂടിയായ മകന്‍ എം.കെ. സ്റ്റാലിന്‍ കഴിഞ്ഞത് തിരുവനന്തപുരം കോവളത്തെ പഞ്ചനക്ഷത്ര ഹോട്ടലില്‍. നവംബര്‍ അവസാനത്തോടെ തിരുവനന്തപുരത്തെത്തിയ സ്റ്റാലിന്‍ രണ്ടു ദിവസം മുമ്പാണു മടങ്ങിയത്.കനത്ത മഴ ചെന്നൈയില്‍ ജനജീവിതം സ്തംഭച്ചിരിക്കുകയാണ്. ഗതാഗതവും വൈദ്യുതിയും ആശയവിനിമയ ഉപാധികളും നിലച്ച നഗരത്തില്‍ ഭക്ഷണവും കുടിവെള്ളവും കിട്ടാക്കനിയായി. രാഷ്ട്രീയ നേതാക്കളും സിനിമാ താരങ്ങളും വരെ രക്ഷാപ്രവര്‍ത്തനങ്ങള്‍ക്ക് മുന്നിട്ടിറങ്ങിയപ്പോഴും സ്റ്റാലിന്‍ ചെന്നെയില്‍ ഗോപാലപുരത്തെ വീട്ടിലുണ്ടായിരുന്നില്ല. നവംബര്‍ അവസാനത്തോടെയാണ് സ്റ്റാലിന്‍ കോവളത്ത് എത്തിയത്. ഉദയസമുദ്ര ഹോട്ടലില്‍ താമസിച്ച അദ്ദേഹത്തോടൊപ്പം കുടുംബവും ബന്ധുക്കളുമുണ്ടായിരുന്നു. അഞ്ചു ദിവസം ഹോട്ടലില്‍ കഴിഞ്ഞതിനു ശേഷമായിരുന്നു മടക്കം. എന്നാല്‍ സ്റ്റാലിന്‍ സഹായവിതരണം നടത്തുന്ന ചിത്രങ്ങള്‍ സാമൂഹ്യ മാധ്യമങ്ങളില്‍ പ്രചരിപ്പിക്കാന്‍ അനുയായികള്‍ ശ്രദ്ധിക്കുകയും ചെയ്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha