താന് ഇന്ദിരാ ഗാന്ധിയുടെ മരുമകളാണെന്നും ആരെയും പേടിക്കുന്നില്ലെന്നും സോണിയ
താന് ഇന്ദിരാഗാന്ധിയുടെ മരുമകളാണെന്നും ആരെയും പേടിക്കുന്നില്ലെന്നും സോണിയ ഗാന്ധി. നാഷനല് ഹെറാള്ഡ് കേസില് തനിക്കെതിരെയുള്ള വിധി പറയാന് നിങ്ങള്ക്ക് വിട്ടു തരുന്നു. പാര്ലമെന്റില് കേസുമായി ബന്ധപ്പെട്ട ആരോപണം ഉയര്ന്നപ്പോഴാണ് സോണിയ തന്റെ നിലപാട് വ്യക്തമാക്കിയത്. കേസില് തനിക്ക് വ്യാകുലതയില്ല.
അതേസമയം, നാഷനല് ഹെറാള്ഡ് കേസ് പരിഗണിക്കുന്നത് കോടതി ഡിസംബര് 19 ലേക്ക് മാറ്റി. അന്നേ ദിവസം സോണിയയും രാഹുലും ഉള്പ്പെടെ എല്ലാവരും ഹാജരാകണമെന്ന് ഡല്ഹി കോടതി അറിയിച്ചു. ഭാഗ്യം കൊണ്ടാണ് സോണിയയും രാഹുലും തല്ക്കാലം രക്ഷപ്പെട്ടതെന്ന് കേസ് ഫയല് ചെയ്ത ബിജെപി നേതാവ് സുബ്രഹ്മണ്യന് സ്വാമി പറഞ്ഞു.
നാഷനല് ഹെറള്ഡ് കേസുമായി ബന്ധപ്പെട്ട് കോണ്ഗ്രസ് അധ്യക്ഷ സോണിയ ഗാന്ധിയും ഉപാധ്യക്ഷന് രാഹുല് ഗാന്ധിയും വിചാരണ കോടതിയില് ഹാജരാകണമെന്നു കാണിച്ച് സമന്സ് അയച്ചിരുന്നു. ഇതിനെതിരെ ഇരുവരും നല്കിയ ഹര്ജി ഡല്ഹി ഹൈക്കോടതി ഇന്നലെ തള്ളി. ഹര്ജി തള്ളിയ സാഹചര്യത്തില് സോണിയയും രാഹുലും ഇന്നു വിചാരണ കോടതിയില് ഹാജരാകേണ്ടതായിരുന്നു.
കോണ്ഗ്രസിന്റെ മുഖപത്രമായിരുന്ന നാഷനല് ഹെറള്ഡ് 2008ല് പ്രസിദ്ധീകരണം നിര്ത്തിയതാണ്. അസോസിയേറ്റഡ് ജേണല്സ് ലിമിറ്റഡ് എന്ന സ്ഥാപനമായിരുന്നു നാഷനല് ഹെറാള്ഡ് ഉള്പ്പെടെ മൂന്നു പ്രസിദ്ധീകരണങ്ങള് നടത്തിയിരുന്നത്. ഇവര്ക്ക് അടച്ചു പൂട്ടുന്ന സമയത്ത് 90 കോടി രൂപയുടെ കടമുണ്ടായിരുന്നു. സോണിയയും രാഹുലും യങ് ഇന്ത്യന് കമ്പനി എന്നൊരു സ്ഥാപനമുണ്ടാക്കി നാഷനല് ഹെറാള്ഡ് പുനരുജ്ജീവിപ്പിക്കാന് ശ്രമിച്ചു. യങ് ഇന്ത്യന് കമ്പനി, കോണ്ഗ്രസിന്റെ 50 ലക്ഷം രൂപ മുടക്കി അസോസിയേറ്റഡ് ജേണലിനെ ഏറ്റെടുത്തു. സോണിയയും രാഹുലും മറ്റ് അഞ്ചുപേരും ഇതുവഴി വമ്പിച്ച ക്രമക്കേടു നടത്തിയെന്നാണ് സുബ്രഹ്മണ്യന് സ്വാമിയുടെ ഹര്ജിയില് കുറ്റപ്പെടുത്തുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
