മുംബൈയില്‍ കതകുതുറക്കാത്തതിനെച്ചൊല്ലിയുള്ള തര്‍ക്കത്തിനൊടുവില്‍ സഹോദരി സഹോദരനെ കഴുത്തറുത്തുകൊന്നു. സംഭവത്തെ തുടര്‍ന്ന് ഇരുപത്തൊന്നുകാരിയായ സഹോദരിയെ പോലീസ് അറസ്റ്റുചെയ്തു. ബബ്‌ളി യാദവ് എന്ന യുവതിയാണ് അറസ്റ്റിലായത്. രാഹുല്‍ ശിവകുമാര്‍ യാദവ് എന്ന ഇരുപത്തഞ്ചുകാരനാണ് കൊല്ലപ്പെട്ടത്. കഴിഞ്ഞദിവസം രാത്രിയിലായിരുന്നു സംഭവം.

രാഹുല്‍ വീട്ടിലെത്തി കതകുതുറക്കാന്‍ ആവശ്യപ്പെട്ട് കതകില്‍ മുട്ടിയെങ്കിലും ആരും വാതില്‍ തുറന്നില്ല. അതിനാല്‍ രാഹുല്‍ അമ്മയെ വിളിച്ചു. അവര്‍ ബബ്‌ളിയോട് വാതില്‍ തുറക്കാന്‍ ആവശ്യപ്പെട്ടു. ഇതോടെ ദേഷ്യപ്പെട്ടുകൊണ്ട് ബബ്‌ളി വാതില്‍തുറന്നു. തുടര്‍ന്ന് ഇതിനെച്ചൊല്ലി അമ്മയുമായി വഴക്കായി. ഇതുകണ്ട് രാഹുല്‍ പ്രശ്‌നത്തില്‍ ഇടപെട്ടു. ഇതോടെ ബബ്‌ളി രാഹുലുമായി പൊരിഞ്ഞ വഴക്കായി.

ഇടയ്ക്ക് രാഹുല്‍ ബബ്‌ളിയെ പിടിച്ചുതള്ളി. കലികയറിയ ബബ്‌ളി അടുക്കളയില്‍ നിന്ന് കറിക്കത്തിയെടുത്ത് സഹോദരനെ ആക്രമിക്കുകയായിരുന്നു. കഴുത്തില്‍ വെട്ടേറ്റ രാഹുല്‍ ബോധംകെട്ട് നിലത്തുവീണു. നിലവിളികേട്ടെത്തിയ അയല്‍ക്കാര്‍ ഉടന്‍തന്നെ രാഹുലിനെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ബബ്‌ളി കുറ്റംസമ്മതിച്ചു എന്ന് പോലീസ് പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha