വന്‍ തോതില്‍ വായു മലിനീകരണം സൃഷ്ടിക്കുന്ന രാജ്യങ്ങളുടെ പട്ടിക യു.എസ് ബഹിരാകാശ സ്ഥാപനമായ നാസ പുറത്തുവിട്ടു. ഇന്ത്യയിലെ പല നഗരങ്ങളിലും മലിനീകരണ വാതകമായ നൈട്രജന്‍ ഡയോക്‌സൈഡിന്റെ തോത് ഉയരുന്നതായി പഠനം ചൂണ്ടിക്കാട്ടുന്നു. സൗത്ത് ഏഷ്യന്‍ രാജ്യങ്ങളില്‍ നൈട്രജന്‍ ഡയോക്‌സൈഡിന്റെ പുറന്തള്ളല്‍ വര്‍ധിച്ചു വരുന്നതായും ഉപഗ്രഹ ചിത്രങ്ങളുടെ സഹായത്തോടെ 2004ല്‍ നാസ നടത്തിയ പഠനങ്ങളുടെ ഫലം വ്യക്തമാക്കുന്നു.

മലിനീകരണം ഉണ്ടാക്കുന്ന വാതകമായ നൈട്രജന്‍ ഡയോക്‌സൈഡ് പുറത്തുവിടുന്നതില്‍ ചൈന, അമേരിക്ക, യൂറോപ്യന്‍ യൂണിയന്‍ എന്നീ രാജ്യങ്ങളാണ് മുന്നിലുള്ളത്. ഫോസില്‍ ഇന്ധനങ്ങളുടെ ഗന്ധത്തിലൂടെ അന്തരീക്ഷത്തിലേക്ക് പുറന്തള്ളപ്പെടുന്ന വാതകമാണ് നൈട്രജന്‍ ഡയോക്‌സൈഡ്. വാഹനങ്ങളും വ്യവസായശാലകളും വന്‍തോതിലാണ് ഈ വാതകം പുറന്തള്ളുന്നത്.
ഭൂമിയിലെ വിവിധ പ്രദേശത്തെ അന്തരീക്ഷത്തിലെ നൈട്രജന്‍ ഡയോക്‌സൈഡിന്റെ അളവ് ചുവപ്പ് നിറത്തില്‍ നാസ പുറത്തിറക്കിയ പട്ടികയില്‍ ദൃശ്യമാണ്. 2005 മുതല്‍ 2010 വരെയുള്ള കാലയളവില്‍ അമേരിക്കയും യൂറോപ്യന്‍ യൂണിയനും മലിനീകരണ വാതകം പുറത്തുവിടുന്നത് കുറച്ചിട്ടുണ്ട്. ചൈനയിലെ ബീജിങ്, ഷാങ്ഹായ് പോലുള്ള നഗരങ്ങളില്‍ വാതകം പുറന്തള്ളുന്നത് കുറഞ്ഞെങ്കിലും രാജ്യത്തെ മറ്റ് നഗരങ്ങളില്‍ കുറവ് വന്നിട്ടില്ല. 20 മുതല്‍ 50 ശതമാനം വരെയാണ് മലനീകരണത്തിന്റെ വര്‍ധനവ്.

മധ്യേഷ്യയില്‍ സിറിയ ഉള്‍പ്പെടുന്ന മേഖലയില്‍ നൈട്രജന്‍ ഡയോക്‌സൈഡിന്റെ പുറന്തള്ളല്‍ കുറയാന്‍ കാരണം ജനസംഖ്യയുടെ കുറവും ആഭ്യന്തര യുദ്ധവുമാണെന്ന് പഠനം ചൂണ്ടിക്കാട്ടുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha