അസഹിഷ്ണുതയെ പറ്റിയുള്ള തന്റെ പരാമര്‍ശങ്ങള്‍ ദുര്‍വാഖ്യാനിച്ചുവെന്നും മാപ്പ് അപേക്ഷിക്കാന്‍ വേണ്ടിയൊന്നും താന്‍ പറഞ്ഞിട്ടില്ലെന്നും ബോളിവുഡ് സൂപ്പര്‍ സ്റ്റാര്‍ ഷാരൂഖ് ഖാന്‍.
എനിക്ക് പറയാനുള്ളതാണ് ഞാന്‍ പറഞ്ഞത്. ഞാന്‍ പറഞ്ഞ ഒരുപാട് കാര്യങ്ങള്‍ ദുര്‍വാഖ്യാനിക്കപ്പെട്ടു. മാപ്പ് അപേക്ഷിക്കാനായി ഒന്നും പഞ്ഞിട്ടില്ല. അത് വ്യക്തമാക്കേണ്ട സാഹചര്യത്തിലോ പ്രായത്തിലോ അല്ല താന്‍. ജനങ്ങള്‍ക്ക് എന്നെ അറിയാം.അല്ലെങ്കില്‍ ഞാനുദ്ദേശിച്ചതെന്താണെന്ന് അവര്‍ക്ക് മനസ്സിലായി കാണില്ല കിംഗ് ഖാന്‍ പറഞ്ഞു.
ഈ കഴിഞ്ഞ നവംബര്‍ രണ്ടിന് തന്റെ അമ്പതാം ജന്മദിനത്തിലാണ് മത അസഹിഷ്ണുതയായാലും ,ഏതു തരത്തിലുള്ള അസഹിഷ്മുതയായാലും അത് നമ്മെ ഇരുണ്ട ദിനങ്ങളിലേക്ക് നയിക്കുമെന്ന് ഖാന്‍ പറഞ്ഞത്. കൂടാതെ ആവിഷ്‌കാര സ്വാതന്ത്ര്യത്തിനായി അവാര്‍ഡുകള്‍ തിരികെ നല്‍കിയ കലാകാരന്‍മാരെ അദ്ദേഹം അനുകൂലിക്കുകയും ചെയ്തിരുന്നു.
ഇതിന്റെ അടിസ്ഥാനത്തില്‍ ബി.ജെ.പി ജനറല്‍ സെക്രട്ടറി കൈലാഷ് വിജയവര്‍ഗിയ ഷാരൂഖ് ഇന്ത്യയിലാണ് ജീവിക്കുന്നതെങ്കിലും അദ്ദേഹത്തിന്റെ ഹൃദയം പാകിസ്ഥാനിലാണെന്ന് ട്വിറ്റ് ചെയ്തിരുന്നു. കഴിഞ്ഞ 25 വര്‍ഷമായി ജനങ്ങളെന്നെ സ്‌നേഹിക്കുന്നു.അതുകൊണ്ട് സാമൂഹിക മാദ്ധ്യമങ്ങളില്‍ തന്റെ സിനിമയുടെ പ്രദര്‍ശനം മുടങ്ങിയെന്നു കാണുന്നത് സങ്കടം തന്നെയാണ്. തന്റെ പുതിയ ചിത്രമായ ദില്‍വാലേയുടെ പ്രദര്‍ശനത്തിനെതിരെയുള്ള പ്രതിഷേധങ്ങളെ കുറിച്ചുള്ള ചോദ്യത്തിന് താരം മറുപടി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha