ഇന്നലെ ഡല്‍ഹി വിമാനത്താവളത്തിന് സമീപം ബി. എസ്. എഫിന്റെ ചെറുവിമാനത്തിന്റെ പൈലറ്റായിരുന്നു 38 കാരനായ ഡപ്യൂട്ടി കമാഡന്റ് ഭഗവതി പ്രസാദ് ഭട്ടിന്റെ ഒരു മാസം പ്രായമായ മകന് പേരിടാന്‍ പോലും കാത്തുനില്‍ക്കാതെയാണ് മരണത്തിന് കീഴടങ്ങേണ്ടി വന്നത്. മകന്റെ പേരിടീല്‍ ചടങ്ങിനുള്ള ദിവസം തീരുമാനിച്ചിരിക്കെയായിരുന്നു അപകടം. ഭഗവതി പ്രസാദിന്റെ കുടുമ്പത്തിലേക്ക് ആഴ്ചകള്‍ക്ക് മുമ്പാണ് ആ കുഞ്ഞ് അതിഥി എത്തിയത്. എന്നാല്‍ അവന് പേരിടാന്‍ പോലുമാകാതെയാണ് അവന്റെ അച്ഛന്‍ പോയതെന്ന് ഭഗവതി പ്രസാദിന്റെ സഹോദരന്‍ രാജേന്ദര്‍ ഭട്ട് പറഞ്ഞു.
ഞങ്ങള്‍ അവന് പേരിട്ടില്ല. അവന്റെ അച്ഛന്‍ വരുമ്പോള്‍ വലിയൊരു ആഘോഷമായി നടത്താനായിരുന്നു പദ്ധതി. നാലു വയസ്സുകാരനായ മൂത്ത മകന്‍ അച്ഛനെ കണ്ടു, എന്നാല്‍ ഇളയവന് അച്ഛനെ കാണാനാവില്ലെന്നും അദേഹം പറഞ്ഞു.
രാജ്യത്തിനുവേണ്ടിയുള്ള തന്റെ ജോലിയില്‍ ഭഗവതി പ്രസാദ് വളരെ സന്തോഷവാനായിരുന്നുവെന്നും അഭിമാനിയായിരുന്നുവെന്നും അദേഹത്തിന്റെ സുഹൃത്തുക്കള്‍ ഓര്‍മ്മിക്കുന്നു. അപകടത്തിന് ഒരു ദിവസം മുന്‍പ് തന്റെ സുഹൃത്തുക്കള്‍ക്ക് ഭട്ട് ട്വീറ്റ് ചെയ്ത വാക്കുകള്‍ ഇപ്രകാരമായിരുന്നു: ബി.എസ്.എഫില്‍ ചേര്‍ന്ന ഒരു സാധു ബാലന്‍, അവന്‍ ഇപ്പോള്‍ രാജ്യത്തിനു വേണ്ടി വിമാനം പറത്തുന്ന പൈലറ്റായി.
ഭട്ടിനൊപ്പം കാബിനിലുണ്ടായിരുന്ന സബ് ഇന്‍സ്‌പെക്ടര്‍ രബീന്ദ്രകുമാറും ആകസ്മികയാണ് ദുരന്തത്തില്‍പെട്ടത്. തിങ്കളാഴ്ച ട്രെയിനില്‍ റാഞ്ചിയിലേക്ക് പുറപ്പെടാനൊരുങ്ങിയ രബീന്ദ്രകുമാര്‍ ഹെഡ്ക്വാര്‍ട്ടേഴസില്‍ നിന്ന് അവസാന നിമിഷം എത്തിയ അടിയന്തര സന്ദേശത്തെ തുടര്‍ന്ന് തന്റെ യാത്ര അടുത്ത ദിവസത്തേക്ക് മാറ്റിവയ്ക്കുകയായിരുന്നു. ലോധി കോളനി നിവാസിയായ 49കാരന്‍ കുമാറിന് രണ്ടു മക്കളാണുള്ളത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha