ലോക നേതാക്കളെ ഞെട്ടിച്ച് മോഡിയുടെ അപ്രതീക്ഷിത പാക് സന്ദര്ശനം; ശുഭകരമെന്ന് പാകിസ്ഥാന്; മോഡി തരംഗത്തില് ഇന്ത്യന് നേതാക്കള്ക്ക് അതൃപ്തി
ലാഹോറില് പാക്ക് പ്രധാനമന്ത്രി നവാസ് ഷെരീഫുമായുള്ള കൂടിക്കാഴ്ചയ്ക്ക് ശേഷമാണ് മോഡി ഡല്ഹിയില് എത്തിയത്. അഫ്ഗാനിസ്ഥാനില് നിന്നുള്ള മടക്കയാത്രയ്ക്കിടെയാണ് മോഡിയുടെ അപ്രതീക്ഷിത പാക്കിസ്ഥാന് സന്ദര്ശനം. നരേന്ദ്ര മോഡിയുടെ സന്ദര്ശനം ശുഭസൂചനയെന്ന് പാക്കിസ്ഥാന്. ചര്ച്ചകള് ശരിയായ ദിശയിലാണ് പോകുന്നതെന്ന് മോഡി ഷെരീഫ് കൂടിക്കാഴ്ചയ്ക്ക് ശേഷം പാക്കിസ്ഥാന് വിദേശകാര്യ സെക്രട്ടറി അജിസ് ചൗധരി പറഞ്ഞു. ഇരു രാജ്യങ്ങളിലെയും ജനങ്ങളുടെ നന്മയാണ് ആഗ്രഹിക്കുന്നത്.
ചര്ച്ചകളുമായി മുന്നോട്ടു പോകാന് ഇരു നേതാക്കളും തീരുമാനിച്ചു. നല്ല അയല്ക്കാരായി മുന്നോട്ടു പോകാനും തീരുമാനിച്ചതായി പാക്ക് വിദേശകാര്യ സെക്രട്ടറി പറഞ്ഞു. ലാഹോറിലെ രാജ്യാന്തര വിമാനത്താവളത്തില് എത്തിയ മോഡിയെ പാക്കിസ്ഥാന് പ്രധാനമന്ത്രി നവാസ് ഷെരീഫ് സ്വീകരിച്ചു. തുടര്ന്ന് ഇരുവരും ഹെലികോപ്റ്ററില് ഷെരീഫിന്റെ വസതിയിലേക്ക് പോയി. ഇവിടെ വച്ച് ഒരു മണിക്കൂറോളം ഇരുവരും സംസാരിച്ചു. ഷെരീഫിന്റെ കുടുംബാംഗങ്ങളും മോഡിക്കൊപ്പമുള്ള ഉദ്യോഗസ്ഥരും സ്വീകരണത്തില് പങ്കെടുത്തു. 12 വര്ഷത്തിനുശേഷമാണ് ഒരു ഇന്ത്യന് പ്രധാനമന്ത്രി പാക്കിസ്ഥാനില് എത്തുന്നുന്നത്.
ഇതൊരു ഉഭയകക്ഷി ചര്ച്ചയല്ലെന്നും തികച്ചും വ്യക്തിപരമായ കൂടിക്കാഴ്ചയാണെന്നുമാണ് സൂചന. പാക്കിസ്ഥാന് പ്രധാനമന്ത്രി നവാസ് ഷെരീഫിന്റെ പിറന്നാള് ദിനമാണ് ഇന്ന്. ഷെരീഫിന് നേരിട്ട് ആശംസകള് അറിയിക്കാനാണ് മോഡി എത്തിയത്. നേരത്തെ വിദേശകാര്യ മന്ത്രി സുഷമസ്വരാജ് ഹാര്ട്ട് ഓഫ് ഏഷ്യ\' സമ്മേളനത്തില് പങ്കെടുക്കാന് പാക്കിസ്ഥാനിലെത്തിയപ്പോള് ഷെരീഫുമായി കൂടിക്കാഴ്ച നടത്തിയിരുന്നു. സുഷമയുടെ സന്ദര്ശനത്തിനു പിന്നാലെ സാര്ക്ക് ഉച്ചകോടിയില് പങ്കെടുക്കാന് അടുത്ത വര്ഷം മോഡി പാക്കിസ്ഥാനിലെത്തുമെന്നും റിപ്പോര്ട്ടുണ്ടായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
