രാഷ്ട്രപതിക്ക് സുരക്ഷ ഒരുക്കാന്‍ അംഗരക്ഷകരെ കൂടാതെ പാമ്പു പിടിത്തക്കാരും. ശൈത്യകാലത്ത് രണ്ടാഴ്ച ചിലവഴിക്കാനായി സെക്കന്തരാബാദിലെത്തിയ രാഷ്ട്രപതി പ്രണബ് മുഖര്‍ജി താമസിക്കുന്ന രാഷ്ട്രപതി നിലയത്തിലാണ് ദിവസവേതനത്തില്‍ പാമ്പ് പിടിക്കാനായി ആള്‍ക്കാരെ നിയോഗിച്ചിരിക്കുന്നത്.

ആളൊഴിഞ്ഞ ഈ രാഷ്ട്രപതി നിലയം പാമ്പുകളുടെ ആവാസ കേന്ദ്രമാണ്. ഹൈദരാബാദിലെ ഈ നെഹ്‌റു സുവോളജിക്കല്‍ പാര്‍ക്കില്‍ നിന്നും മികച്ച പരിശീലനം ലഭിച്ച ആറ് പേരെയാണ് നിയോഗിച്ചിരിക്കുന്നത്. 24 മണിക്കൂറും ഇവര്‍ സജ്ജരാണ്. പ്രസിഡന്റ് എത്തുന്നതിന് ആഴ്ചകള്‍ക്കുമുമ്പ് തന്നെ ഇവര്‍ ജോലി തുടങ്ങി കഴിഞ്ഞു. രണ്ടു മൂര്‍ഖനെയടക്കം 5 പാമ്പുകളെയാണ് ഇതിനോടകം പിടിച്ചത്.
ഓരോരുത്തര്‍ക്കും 400 രൂപ വീതമാണ്ദിവസകൂലി നല്‍കുന്നത്. നൈസാം കാലഘട്ടത്തില്‍ നിര്‍മ്മിച്ച ഈ മന്ദിരം പച്ചപ്പ് പുതച്ച 90 ഏക്കറിനുള്ളിലാണ്. കുരങ്ങന്‍ , തേനീച്ച തുടങ്ങിയവയുടെ സാന്നിധ്യം തടയാനും ഇതിനോടകം ക്രമീകരണങ്ങള്‍ നടത്തികഴിഞ്ഞു. ഡിസംബര്‍ 18 ന് ഇവിടെയെത്തിയ രാഷ്ട്രപതി വര്‍ഷാന്ത്യം വരെ ഇവിടെയുണ്ടാകും. 
കഴിഞ്ഞ ജൂലൈയില്‍ എത്തിയപ്പോഴും ഇതേ രീതിയില്‍ പാമ്പുപിടിത്തക്കാര്‍ 10 പാമ്പുകളെയാണ് പിടികൂടിയത്. മുമ്പ് വാതില്‍പ്പടിയില്‍ വച്ചാണ് ഒരു പാമ്പിനെ പിടിച്ചത്.

രാഷ്ട്രപതിക്കായി നിര്‍മ്മിച്ചതാണെങ്കിലും വല്ലപ്പോഴും മാത്രം ആള്‍ത്താമസമുള്ള രാഷ്ട്രപതിനിലയം കുരങ്ങുകളുടെയും പാമ്പുകളുടെയും വിഹാര കേന്ദ്രമാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha