ദക്ഷിണ ധ്രുവമേഖലയിൽ ചന്ദ്രനെ ബന്ധിപ്പിച്ചിരിക്കുന്ന ഹൈപ്പർസെൻസിറ്റീവ് അയണോസ്ഫിയറിന്റെയും അന്തരീക്ഷത്തിന്റെയും ഉപരിതലത്തിന് സമീപമുള്ള ചന്ദ്ര പ്ലാസ്മ പരിസ്ഥിതിയുടെ ആദ്യ അളവെടുപ്പ് നടത്തിയിരിക്കുകയാണ് ചന്ദ്രയാൻ-3. ചന്ദ്രയാൻ-3 ലാൻഡറിനുള്ളിലെ പേലോഡായ Radio Anatomy of Moon Bound Hypersensitive Ionosphere and Atmosphere - Langmuir Probe അതായത് (RAMBHA-LP) എന്ന പേലോഡാണ് അളവെടുപ്പ് നടത്തിയിരിക്കുന്നത്.

ചന്ദ്രോപരിതലത്തിനടുത്തുള്ള പ്ലാസ്മ താരതമ്യേന അപൂർവമാണെന്ന് പ്രാഥമിക വിലയിരുത്തൽ. ഈ അളവുകൾ റേഡിയോ തരംഗ ആശയവിനിമയത്തിലേക്ക് ലൂണാർ പ്ലാസ്മ ഉണ്ടാക്കുന്ന ശബ്ദം ലഘൂകരിക്കാൻ സഹായിക്കുന്നവയാണ്. കൂടാതെ, വരാനിരിക്കുന്ന ചാന്ദ്ര സന്ദർശകർക്കായി മെച്ചപ്പെടുത്തിയ ഡിസൈനുകളിൽ സംഭാവന ചെയ്യാൻ കഴിയുമെന്നതും ശ്രദ്ധേയമാണ്. .തിരുവനന്തപുരത്തെ SPL/VSSC ആണ് റാംഭ-എൽപി പേലോഡ് വികസിപ്പിച്ചെടുത്തത് .

അതേസമയം ചന്ദ്രയാൻ -3 ന്റെ വിക്രം ലാൻഡറിലെ ഇൻസ്ട്രുമെന്റ് ഓഫ് ലൂണാർ സീസ്മിക് ആക്ടിവിറ്റി പേലോഡ് ആഗസ്ത് 26 ന് ചന്ദ്രന്റെ ഉപരിതലത്തിൽ സംഭവിച്ച ഒരു പ്രകമ്പനം രേഖപ്പെടുത്തിയിരിക്കുകയാണ് , അതിന്റെ ഉറവിടത്തെ കുറിച്ച് ഇപ്പോഴും അന്വേഷണം നടക്കുന്നതെ ഉള്ളൂ . പ്രകൃതി ഭൂകമ്പങ്ങൾ, ആഘാതങ്ങൾ, കൃത്രിമ സംഭവങ്ങൾ എന്നിവയാൽ ഉണ്ടാകുന്ന ഭൂചലനങ്ങൾ അളക്കുക എന്നതാണ് ഇൻസ്ട്രുമെന്റ് ഫോർ ലൂണാർ സീസ്മിക് ആക്ടിവിറ്റിയുടെ (ILSA) പ്രാഥമിക ലക്ഷ്യം. ആഗസ്റ്റ് 25-ന് ചന്ദ്രന്റെ ഉപരിതലത്തിൽ റോവറിന്റെ ചലനത്തിന്റെ പ്രകമ്പനങ്ങളും ഐഎൽഎസ്എ രേഖപ്പെടുത്തി.

റോവറിന്റെ ചലനത്തോടുള്ള ഐഎൽഎസ്എയുടെ പ്രതികരണം രേഖപ്പെടുത്തുന്ന ഒരു ആക്സിലറേഷൻ-ടൈം ഗ്രാഫ് ബഹിരാകാശ ഏജൻസി പങ്കു വയ്ക്കുകയുണ്ടായി .ഉയർന്ന സെൻസിറ്റീവ് ആയ ആറ് ആക്സിലറോമീറ്ററുകളുടെ ഒരു കൂട്ടം ആണ് ഇൻസ്ട്രുമെന്റ് ഫോർ ലൂണാർ സീസ്മിക് ആക്ടിവിറ്റിയിൽ ഉൾക്കൊള്ളുന്നത്. ഒരു ഘടനയുടെ വൈബ്രേഷൻ അല്ലെങ്കിൽ ആക്സിലറേഷൻ ചലനം അളക്കുന്ന ഉപകരണം ആണിത് . ഗ്രാഫിൽ കാണുന്ന വൈബ്രേഷനുകൾ റോവറിന്റെ ചലന ഘട്ടം കാണിക്കുന്നതാണ് . ലാൻഡറിലെ പേലോഡുകളുടെ ചലനവും രേഖപ്പെടുത്തിയിട്ടുണ്ട്.