തലസ്ഥാനത്തെ മലിനീകരണ വിമുക്തമാക്കാന്‍ സര്‍ക്കാര്‍ തുടങ്ങിയ ഒറ്റഇരട്ട പദ്ധതിയെ ഇരരും കൈയ്യും നീട്ടി സ്വീകരിച്ച് ജനങ്ങളും നേതാക്കളും. ഒറ്റഇരട്ട പദ്ധതിയെ ജനങ്ങള്‍ അംഗീകരിച്ചെന്ന് മുഖ്യമന്ത്രി അരവിന്ദ് കേജ്‌രിവാള്‍ പറഞ്ഞു. സര്‍ക്കാരിന്റെ പദ്ധതി ഇന്നു മുതലാണ് ആരംഭിച്ചത്. പദ്ധതി പ്രകാരം ഇന്ന് ഒറ്റ സംഖ്യവാഹനങ്ങള്‍ക്കേ നിരത്തിലിറങ്ങാന്‍ കഴിയൂ. അതിനാല്‍ മുഖ്യമന്ത്രി കേജ്‌രിവാള്‍ തന്റെ ഒറ്റ സംഖ്യ കാര്‍ ആരോഗ്യ മന്ത്രി സത്യേന്ദ്രജയിനുമായി പങ്കിടും. ടൂറിസം മന്ത്രി കപില്‍ മിശ്ര മോട്ടോര്‍ സൈക്കിളിലാണ് ഇന്ന് ഓഫീസിലെത്തിയത്. ഉപമുഖ്യമന്ത്രി മനീഷ് സിസോദിയ ഇന്ന് തന്റെ ഒറ്റ സംഖ്യാ വാഹനത്തിലായിരിക്കും എത്തുക എന്നാല്‍ നാളെ അദ്ദേഹം സൈക്കിളിലായിരിക്കും ഓഫീസിലെത്തുക. പരിസ്ഥിതി മന്ത്രി ഇമ്രാന്‍ ഹുസൈന്റെ കാര്‍ ഇരട്ട സംഖ്യയായതിനാല്‍ അദ്ദേഹം ഓട്ടോയിലാണെത്തിയത്. സാമൂഹിക ക്ഷേമമന്ത്രി സന്ദീപ് കുമാര്‍ സിറ്റിബസിലാണ് ഇന്ന് എത്തിയത്.
ഏകദേശം ഇരുന്നൂറില്‍പരം വോളന്റിയര്‍രുടെ സംഘത്തെ പട്ടണത്തിലെ പല ഗതാഗത മേഖലകളില്‍ വിന്യസിച്ചിട്ടുണ്ട്. പദ്ധതി ലംഘിക്കുന്നവര്‍ക്ക് അവര്‍ റോസാപൂക്കള്‍ നല്‍കി നിരോധനത്തെ പറ്റിയുള്ള ബോധവത്കരണം നല്‍കുന്നുണ്ട്. എന്നാല്‍ പൊലീസ് പദ്ധതി ലംഘിക്കുന്നവരില്‍ നിന്നും 2000രൂപ പിഴ ഈടാക്കും. അറുപത്തിആറില്‍പരം എന്‍ഫോഴ്‌സ്‌മെന്റ് സംഘാംഗങ്ങളുടെയും നാല്‍പത് സബ് ഡിവിഷന്‍ സംഘങ്ങളുടെയും നിരീക്ഷണത്തിലാണ് പദ്ധതി നടപ്പാക്കുന്നത്. തലസ്ഥാനത്തെ വായു മലിനീകരണം നിയന്ത്രണത്തിലാക്കാന്‍ ഒറ്റസംഖ്യാ ദിനത്തില്‍ ഒറ്റ സംഖ്യാവാഹനങ്ങളും ഇരട്ട സംഖ്യാ ദിനത്തില്‍ ഇരട്ടസംഖ്യാ വാഹനങ്ങളും മാത്രം നിരത്തിലിറക്കുന്ന സര്‍ക്കാറിന്റെ പദ്ധതിയാണ് ഇന്ന് മുതല്‍ രണ്ടാഴ്ച കാലത്തേക്ക് നിശ്ചയിച്ചിരിക്കുന്ന ഒറ്റഇരട്ട പദ്ധതി.
യാത്രക്കാര്‍ക്ക് എന്തെങ്കിലും തരത്തിലുള്ള ബുദ്ധിമുട്ടുകള്‍ ഉണ്ടായാല്‍ സഹായത്തിനായി രണ്ട് ഹെല്‍പ്‌ലൈന്‍ നമ്പറുകളും സര്‍ക്കാര്‍ ഒരുക്കിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha