യാത്രക്കാരന്റെ ലഗേജ് നഷ്ടപ്പെട്ടത് സംബന്ധിച്ചുള്ള പരാതിയില്‍ സ്‌പൈസ് ജെറ്റ് എയര്‍ലൈന്‍സ് 60,000 രൂപ നഷ്ടപരിഹാരം നല്‍കണമെന്ന് ഉപഭോക്തൃ കോടതി ഉത്തരവിട്ടു. തൃപുര സ്വദേശിയായ ഡോ.അതാനു ഘോഷിന്റെ ബാഗാണ് വിമാനത്തില്‍ നഷ്ടപ്പെട്ടത്.

രജിസ്റ്റര്‍ ചെയ്ത അഞ്ച് ബാഗുകളിലൊന്നാണ് നഷ്ടപ്പെട്ടത്. കീഴ്‌കോടതി ഉത്തരവിട്ടത് 50,000 രൂപ നഷ്ടപരിഹാരം നല്‍കാനായിരുന്നു . സ്‌പൈസ് ജെറ്റ് ഇത് ചോദ്യം ചെയ്ത് ദേശീയ ഉപഭോക്തൃ തര്‍ക്ക പരിഹാര കമ്മീഷനെ സമീപിയ്ക്കുകയായിരുന്നു.

എന്നാല്‍ ആവശ്യം തള്ളിയ കോടതി നഷ്ടപരിഹാര തുക 10,000 രൂപ വര്‍ദ്ധിപ്പിയ്ക്കുകയും ചെയ്തു. 90,000 രൂപ വിലമതിയ്ക്കുന്ന സാധനങ്ങള്‍ ബാഗിലുണ്ടായിരുന്നു എന്നാണ് പരാതി വ്യക്തമാക്കുന്നതെന്ന് കോടതി പറഞ്ഞു.

വീഡിയോ, സ്റ്റില്‍ കാമറകള്‍ ബാഗിലുണ്ടായിരുന്നു. ബാഗിന് തന്നെ 9000 രൂപയോളം വരും. കീഴ്‌കോടതി ആവശ്യപ്പെട്ട നഷ്ടപരിഹാര തുക അപര്യാപ്തമാണെന്നും കോടതി നിരീക്ഷിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha