തനിക്ക് ശരിയെന്ന് തോന്നുന്ന കാര്യങ്ങള്‍ക്കും സ്വന്തം വിശ്വാസങ്ങള്‍ക്കുംവേണ്ടി അവസാനംവരെ പോരാട്ടം നടത്തിയ നേതാവായിരുന്നു സിപിഐ നേതാവ് എ.ബി.ബര്‍ദനെന്ന് കോണ്‍ഗ്രസ് പ്രവര്‍ത്തകസമിതിയംഗം എ.കെ.ആന്റണി അനുസ്മരിച്ചു.
ബര്‍ദന്റെ അന്ത്യത്തില്‍ രാഷ്ട്രപതി പ്രണബ് മുഖര്‍ജിയും പ്രധാനമന്ത്രി നരേന്ദ്ര മോദിയും അനുശോചിച്ചു. മികച്ച കമ്യൂണിസ്റ്റായി ബര്‍ദന്‍ എന്നും ഓര്‍മിക്കപ്പെടുമെന്ന് മോദി പറഞ്ഞു. കോണ്‍ഗ്രസ് അധ്യക്ഷ സോണിയ ഗാന്ധി, ആഭ്യന്തരമന്ത്രി രാജ്‌നാഥ് സിങ്, പ്രതിരോധമന്ത്രി മനോഹര്‍ പരീക്കര്‍, പശ്ചിമബംഗാള്‍ മുഖ്യമന്ത്രി മമതാ ബാനര്‍ജി തുടങ്ങിയ പ്രമുഖര്‍ അനുശോചനമറിയിച്ചു.
ബര്‍ദന്റെ അന്ത്യത്തോടെ രാജ്യത്തിന്റെ സ്വാതന്ത്ര്യത്തിനു വേണ്ടി പോരാടിയ കമ്യൂണിസ്റ്റ് നേതാക്കളും യുഗമാണ് അവസാനിച്ചതെന്ന് സിപിഐ നേതാവ് ഡി.രാജ പറഞ്ഞു. സിപിഐക്കു മാത്രമല്ല, രാജ്യത്തെ കമ്യൂണിസ്റ്റ് പ്രസ്ഥാനത്തിനു തന്നെ വലിയ നഷ്ടമാണ് ഇതിലൂടെ ഉണ്ടായിരിക്കുന്നത്.
ജീവിതത്തില്‍ എല്ലാ മൂല്യങ്ങളും കാത്തുസൂക്ഷിച്ച നേതാവായിരുന്നു എ.ബി.ബര്‍ദന്‍ എന്ന് സിപിഐ നേതാവ് പന്ന്യന്‍ രവീന്ദ്രന്‍ അനുസ്മരിച്ചു. സിപിഎം – സിപിെഎ ഏകീകരണത്തിന് ഏറ്റവുമധികം വാദിച്ചയാളാണ് എ.ബി.ബര്‍ദനെന്ന് സിപിെഎ നേതാവ് സി.ദിവാകരന്‍. ലാളിത്യത്തിന്റെ ഉടമയെയാണ് നഷ്ടമായത്. മൂന്നു പതിറ്റാണ്ട് നീണ്ട ബന്ധമാണ് ബര്‍ദനുമായിട്ടുള്ളതെന്നും സി.ദിവാകരന്‍ അനുസ്മരിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha