പുതുവര്‍ഷാരംഭത്തില്‍ പഞ്ചാബില്‍ ഭീകരാക്രമണമുണ്ടാകാന്‍ സാധ്യതയുണ്ടെന്ന ഇന്റലിജന്‍സ് റിപ്പോര്‍ട്ട് അവഗണിച്ചുവെന്ന് റിപ്പോര്‍ട്ട്. ആഭ്യന്തര മന്ത്രാലയമാണ് ഭീകരാക്രമണ സാധ്യത സംബന്ധിച്ച രഹസ്യാന്വേഷണ റിപ്പോര്‍ട്ട് പഞ്ചാബിന് കൈമാറിയത്. എന്നാല്‍ പഞ്ചാബ് സര്‍ക്കാര്‍ റിപ്പോര്‍ട്ട് വേണ്ടത്ര ഗൗരവത്തില്‍ പരിഗണിക്കാനോ മുന്‍കരുതല്‍ നടപടികള്‍ സ്വീകരിക്കാനോ തയ്യാറായിരുന്നില്ല. തീവ്രവാദികള്‍ തട്ടിക്കൊണ്ടു പോയ ഗുര്‍ദാസ്പൂര്‍ എസ്.പി സാല്‍വീന്ദര്‍ സിംഗ് നല്‍കിയ വിവരങ്ങളും പോലീസ് അവഗണിച്ചതായി ആക്ഷേപം ഉയര്‍ന്നിട്ടുണ്ട്. ഡിസംബര്‍ 27ന് പോലീസ് അഡീഷണല്‍ ഡയറക്ടര്‍ ജനറല്‍ ഹര്‍ദീപ് ദിലന്‍ ഇന്റലിജന്‍സ് റിപ്പോര്‍ട്ട് കൈമാറിയത്. പുതുവര്‍ഷത്തോട് അനുബന്ധിച്ച് ലഷ്‌കര്‍, ഭീകരാക്രമണം ആസൂത്രണം ചെയ്യുന്നുവെന്നായിരുന്നു രഹസ്യാന്വേഷണ വിവരം.
ആക്രമണത്തിനായി കൃത്യമായ പരിശീലനം ലഭിച്ച പതിനഞ്ചോളം തീവ്രവാദികള്‍ തയ്യാറെടുക്കുന്നു എന്നായിരുന്നു റിപ്പോര്‍ട്ട്. റിപ്പോര്‍ട്ട് അനുസരിച്ച് അവര്‍ ഇതിനകം ഇന്ത്യയില്‍ കടന്നിട്ടുണ്ടെന്നും വ്യക്തമായിരുന്നു. ദേശീയ നേതാക്കള്‍, പാര്‍ലമെന്റ്, സൈനിക കേന്ദ്രങ്ങള്‍ അടക്കം സുപ്രധാന ആസ്ഥാന മന്ദിരങ്ങള്‍ എന്നിവയാണ് ഭീകരര്‍ ലക്ഷ്യമിടുന്നതെന്നും റിപ്പോര്‍ട്ടില്‍ ചൂണ്ടികാട്ടിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha