പത്താന്‍കോട്ട് വ്യോമതാവളത്തിലെ ഭീകരാക്രമണം നടന്ന സ്ഥലത്ത് നിന്നും പാക് നിര്‍മ്മിത ആയുധങ്ങള്‍ കണ്ടെത്തിയതായി പ്രതിരോധമന്ത്രി മനോഹര്‍ പരീക്കര്‍. ആരാണ് ആക്രമണത്തിന് പിന്നിലെന്ന് പ്രാഥമിക ധാരണയുണ്ടെന്നും എന്നാല്‍, ഇത് സംബന്ധിച്ച അന്വേഷണത്തിന്റെ കൂടുതല്‍ വിവരങ്ങള്‍ മാധ്യമങ്ങള്‍ക്ക് മുന്നില്‍ വെളിപ്പെടുത്താനാകില്ലെന്നും പത്താന്‍കോട്ട് സന്ദര്‍ശിച്ച ശേഷം നടത്തിയ വാര്‍ത്താ സമ്മേളനത്തില്‍ അദ്ദേഹം വ്യക്തമാക്കി.
പത്താന്‍കോട്ട് വ്യോമതാവളത്തില്‍ ആക്രമണം നടത്തിയ ആറ് ഭീകരരെയും സൈന്യം വധിച്ചുവെന്നും ഭീകരരുടെ കൈവശമുണ്ടായിരുന്ന സ്‌ഫോടക വസ്തുക്കളെല്ലാം നിര്‍വീര്യമാക്കിയെന്നും പ്രതിരോധമന്ത്രി അറിയിച്ചു. സ്ഥലത്ത് തെരച്ചില്‍ തുടരുകയാണെന്നും അദ്ദേഹം പറഞ്ഞു.
ഇതോടെ കണ്ടെത്തിയ തെളിവുകളുടെ അടിസ്ഥാനത്തില്‍ അക്രമണത്തിന് പിന്നിലെ പാക്കിസ്ഥാന്റെ ബന്ധത്തിന് ആക്കം കൂട്ടുന്നതാണ.് പത്താന്‍കോട്ട് ഭീകരാക്രമണവുമായി ബന്ധപ്പെട്ട് ഇന്ത്യ നല്‍കിയ തെളിവുകള്‍ പരിശോധിച്ചു വരികയാണെന്നും ഇതിന് ശേഷം നടപടിയെടുക്കുമെന്നും പാക് വിദേശകാര്യ മന്ത്രാലയം പുറത്തിറക്കിയ പ്രസ്താവനയില്‍ വ്യക്തമാക്കിയിരുന്നു. പത്താന്‍കോട്ട് ഭീകരാക്രമണത്തില്‍ പ്രിയപ്പെട്ടവരുടെ ജീവന്‍ നഷ്ടപ്പെട്ടവരുടെ ദുഃഖം മനസിലാക്കുന്നുന്നതായും ജീവന്‍ നഷ്ടപ്പെട്ടവര്‍ക്ക് ആദരാഞ്ജലി അര്‍പ്പിക്കുന്നതായും ആക്രമണം ദൗര്‍ഭാഗ്യകരമാണെന്നും പ്രസ്താവനയില്‍ പാകിസ്താന്‍ പറഞ്ഞിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക