പത്താന്‍കോട്ട് വ്യോമസേന താവളത്തില്‍ ഭീകരര്‍ നടത്തിയ ആക്രമണത്തെക്കുറിച്ച് കൂടുതല്‍ വിവരങ്ങള്‍ പുറത്തുവരുന്നു. സൈനികരുടെ ശ്രദ്ധ വഴിതിരിച്ചു വിടുന്നതിനായി പുലര്‍ച്ചെ വ്യോമകേന്ദ്രത്തില്‍ കടന്ന ഭീകരര്‍ സൈക്കിളുകള്‍ ഉള്‍പ്പെടെയുള്ളവ അഗ്‌നിക്കിരയാക്കിയെന്നാണ് സൂചന. വ്യോമസേനയുടെ ട്രക്ക് കത്തിക്കുകയും ഇതുവഴി വ്യോമകേന്ദ്രത്തിലുണ്ടായിരുന്ന സൈനികരെ പുറത്തേക്ക് വരുത്താനുമായിരുന്നു ഈ ശ്രമമെന്നുമാണ് റിപ്പോര്‍ട്ട്. അതിനിടെ, ഏറ്റുമുട്ടല്‍ നടന്ന വ്യോമതാവളത്തിന്റെ ചിലഭാഗങ്ങളില്‍ മാധ്യമ പ്രവര്‍ത്തകരെ പ്രവേശിപ്പിച്ചു. ഭീകരരുടെ ദൃശ്യങ്ങള്‍ പകര്‍ത്തുകയും ചെയ്തു. പാക്കിസ്ഥാനില്‍ നിന്നു വന്ന ഭീകരരാണ് ആക്രമണം നടത്തിയതെന്ന എന്‍ഐഎയുടെ സംശയത്തെ ശരിവയ്ക്കുന്ന കൂടുതല്‍ തെളിവുകള്‍ സംഭവസ്ഥലത്തു നിന്നും ലഭിച്ചതായും റിപ്പോര്‍ട്ടുണ്ട്. പാക്കിസ്ഥാനില്‍ നിര്‍മ്മിച്ച തോക്കുകളും ഷൂസുകളുമാണ് ഭീകരര്‍ ഉപയോഗിച്ചതെന്ന് കണ്ടെത്തി. അതേസമയം, ആക്രമണവുമായി ബന്ധപ്പെട്ട് ബിഎസ്എഫ്, കേന്ദ്ര സര്‍ക്കാരിന് റിപ്പോര്‍ട്ട് സമര്‍പ്പിച്ചു. തങ്ങളുടെ ഭാഗത്തുനിന്നും സുരക്ഷാ വീഴ്ച ഉണ്ടായിട്ടില്ലെന്നാണ് റിപ്പോര്‍ട്ടില്‍ ചൂണ്ടിക്കാണിക്കുന്നത്. വിശദമായ റിപ്പോര്‍ട്ട് ബിഎസ്എഫ് മേധാവി പിന്നീട് നല്‍കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha