നെഞ്ച് വേദനയെ തുടര്‍ന്ന് ആത്മഹത്യ ചെയ്ത ദളിത് വിദ്യാര്‍ത്ഥി രോഹിത് വെമുലയുടെ അമ്മയെ അത്യാഹിത വിഭാഗത്തില്‍ പ്രവേശിപ്പിച്ചു. രോഹിതിന്റെ ആത്മഹത്യയില്‍ സര്‍വകലാശാല അധികൃതര്‍ക്കും മറ്റുള്ളവര്‍ക്കും പങ്കുണ്ടെന്ന് ആരോപിച്ച് വിദ്യാര്‍ത്ഥികള്‍ നടത്തുന്ന പ്രതിഷേധനത്തിന് പിന്തുണയുമായി സര്‍വകലാശാല ക്യാമ്പസിലായിരുന്നു രോഹിതിന്റെ അമ്മ.

നെഞ്ച് വേദന അനുഭവപ്പെട്ടതിനെ തുടര്‍ന്ന അമ്മയെ ആശുപത്രിയില്‍ പ്രവേശിപ്പിച്ചെന്ന് രോഹിതിന്റെ സഹോദരന്‍ രാജ പറഞ്ഞു. കഴിഞ്ഞ 17നാണ് ഹൈദരാബാദ് സര്‍വകലാശാലയിലെ ദളിത് വിദ്യാര്‍ത്ഥിയായ രോഹിത് വെമുല ആത്മഹത്യ ചെയ്തത്.
രോഹിത് അടക്കം അഞ്ച് ദളിത് വിദ്യാര്‍ത്ഥികളെ സര്‍വകലാശാലയില്‍ നിന്നും സസ്‌പെന്റ് ചെയ്തിരുന്നു. ഇതില്‍ മനംനൊന്താണ് രോഹിത് ജീവനൊടുക്കിയത്. സര്‍വകലാശാല വൈസ് ചാന്‍സിലറും മറ്റു ചിലരും ചേര്‍ന്ന് തങ്ങളെ മനപൂര്‍വ്വം സസ്‌പെന്റ് ചെയ്യുകയായിരുന്നെന്നാണ് വിദ്യാര്‍ത്ഥികളുടെ ആരോപണം.

രോഹിതിന്റെ മരണത്തെ തുടര്‍ന്ന് സര്‍വകലാശാല പ്രഖ്യാപിച്ച എട്ട് ലക്ഷം രൂപയുടെ ധന സഹായം രോഹിതിന്റെ കുടുംബം നിരസിച്ചിരുന്നു. വൈസ് ചാന്‍സിലര്‍ രാജി വയ്ക്കണമെന്ന് ആവശ്യപ്പെട്ട് സര്‍വകലാശാല ക്യാമ്പസില്‍ വിദ്യാര്‍ത്ഥികളുടെ പ്രതിഷേധം തുടരുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha