കനത്ത സുരക്ഷാ ക്രമീകരണങ്ങളോടെ രാജ്യമെങ്ങും അറുപത്തിയേഴാം റിപ്പബ്ലിക് ദിനം ആഘോഷിക്കുന്നു
കനത്ത സുരക്ഷാ ക്രമീകരണങ്ങളോടെ രാജ്യം ഇന്ന് 67ാം റിപ്പബ്ലിക് ദിനം ആഘോഷിക്കുന്നു. ഡല്ഹിയിലെ റിപ്പബ്ലിക് ദിനാഘോഷങ്ങളില് ഫ്രഞ്ച് പ്രസിഡന്റ് ഫ്രാന്സ്വെ ഒലോന്ദ് മുഖ്യാതിഥിയായി പങ്കെടുക്കും. രാജ്യത്തിന്റെ സാംസ്കാരിക പാരമ്പര്യവും സൈനിക ശക്തിയും വിളംബരം ചെയ്യുന്ന റിപ്പബ്ലിക് ദിന പരേഡിനുള്ള ഒരുക്കങ്ങള് രാജ്യതലസ്ഥാനത്തു പൂര്ത്തിയായി.
പത്താന്കോട്ട് ഭീകരാക്രമണത്തിന്റെയും ഐഎസ് (ഇസ്ലാമിക് സ്റ്റേറ്റ്) ആക്രമണം ഉണ്ടായേക്കുമെന്ന രഹസ്യാന്വേഷണ മുന്നറിയിപ്പുകളുടെയും പശ്ചാത്തലത്തില് കനത്ത സുരക്ഷാവലയത്തിലാണു രാജ്യതലസ്ഥാനത്തെ റിപ്പബ്ലിക് ദിനാഘോഷം. പാരീസ് ആക്രമണത്തിന്റെ മാതൃകയില് ഡല്ഹിയിലും ഐഎസ് ആക്രമണം നടത്തിയേക്കുമെന്നാണു മുന്നറിയിപ്പ്. ചാവേര് ആക്രമണം നടത്തുന്നതിനായി പന്ത്രണ്ടിനും പതിനഞ്ചിനും ഇടയില് പ്രായമുള്ള കുട്ടികള് ഇന്ത്യയിലെത്തിയതായും റിപ്പോര്ട്ടുകളുണ്ട്. ആഭ്യന്തരമന്ത്രി രാജ്നാഥ് സിങ്ങിന്റെ നേതൃത്വത്തില് ഉന്നതതലയോഗം ചേര്ന്നു സുരക്ഷാസ്ഥിതി വിലയിരുത്തി.
ഇന്ത്യന് സുരക്ഷാസൈനികര്ക്കു പിന്തുണയുമായി യുഎസ് രഹസ്യാന്വേഷണ ഏജന്സിയായ സിഐഎയും ഫ്രഞ്ച് സുരക്ഷാ വിഭാഗവുമുണ്ട്. തന്ത്രപ്രധാന കേന്ദ്രങ്ങളില് കൂടുതല് നിരീക്ഷണ ക്യാമറകള് സ്ഥാപിച്ചു. ഐടിബിപി ഐജിയുടെയും കരസേനാ ഡോക്ടറുടെയും വാഹനങ്ങള് ഡല്ഹിയില് നിന്നു മോഷണം പോയതു സുരക്ഷാ ഉദ്യോഗസ്ഥരുടെ ആശങ്ക വര്ധിപ്പിക്കുന്നു. പതിവില് നിന്നു വ്യത്യസ്തമായി ഇത്തവണ 90 മിനിറ്റുമാത്രമായിരിക്കും ഡല്ഹിയിലെ റിപ്പബ്ലിക് ദിന പരേഡ്. 130 ഫ്രഞ്ച് സൈനികരും പരേഡില് പങ്കെടുക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുകhttps://www.facebook.com/Malayalivartha
