ഭര്‍ത്താവിന്റെ സുഹൃത്തുക്കള്‍ക്ക് മുന്നില്‍ വിവസ്ത്രയായി നില്‍ക്കണം... പൈലറ്റായ ഭര്‍ത്താവിനെതിരെ യുവതിയുടെ പരാതി
എട്ടുവര്‍ഷത്തെ പ്രണയത്തിനൊടുവില്‍ വിവാഹം കഴിച്ച പൈലറ്റായ ഭര്‍ത്താവിനെതിരെ യുവതിയുടെ ഗാര്‍ഹിക പീഡനപരാതി. ഡെറാഡൂണ്‍ സ്വദേശിയായ യുവതിയാണ് പരാതിയുമായി രംഗത്ത് വന്നത്. ഭര്‍ത്താവിന്റെ സുഹൃത്തുക്കള്‍ക്ക് മുന്നില്‍ വിവസ്ത്രയാകാന്‍ ഭര്‍ത്താവ് ആവശ്യപ്പെട്ടെന്നും എതിര്‍ത്തപ്പോള്‍ ക്രൂരമായി മര്‍ദ്ദിച്ചെന്നും യുവതി പരാതിയില്‍ പറയുന്നു. വി.എഫ്.എക്‌സ് ആര്‍ട്ടിസ്റ്റാണ് യുവതി. എട്ടുവര്‍ഷത്തെ പ്രണയത്തിനൊടുവില്‍ 2019ലാണ് ദമ്പതികള്‍ വിവാഹിതരായത്. വിവാഹത്തിന് ശേഷമാണ് ഭര്‍ത്താവിന്റെ പീഡനം ആരംഭിച്ചതെന്നാണ് യുവതി പറയുന്നത്.
ജോലി സംബന്ധമായി കൊല്‍ക്കത്തയിലും മുംബയിലുമൊക്കെ താമസിക്കുമ്പോള്‍ ഭര്‍ത്താവ് വീട്ടില്‍ പാര്‍ട്ടികള്‍ സംഘടിപ്പിക്കുമായിരുന്നു. എന്നാല്‍ തന്നെ ഉന്നമിട്ടായിരുന്നു ഈ പാര്‍ട്ടികളെന്ന് യുവതി പറഞ്ഞു. പാര്‍ട്ടികളില്‍ യുവാവിന്റെ സുഹൃത്തുക്കളാണ് പങ്കെടുക്കാറ്. പാര്‍ട്ടിയില്‍ ട്രൂത്ത് ഓര്‍ ഡെയര്‍ ഗെയിം ഉണ്ടായിരിക്കും. ഒന്നുകില്‍ ഒരുപാട് നാള്‍ മറച്ചുവച്ചിരിക്കുന്ന എന്തെങ്കിലും സത്യം പറയുക, അല്ലെങ്കില്‍ ഗെയിമില്‍ പങ്കെടുക്കുന്നവര്‍ പറയുന്നത് അനുസരിക്കുക, ഇതായിരുന്നു ഗെയിമിന്റെ രീതി. കൂട്ടുകാര്‍ക്ക് മുന്നില്‍ വിവസ്ത്രയാകുക എന്നതാണ് ഭാര്യക്ക് നല്‍കുന്ന ഡെയര്‍. ഇതിന് വിസമ്മതിച്ചാല്‍ മര്‍ദ്ദനം തുടങ്ങും. പീഡനം സഹിക്കാനാവാതെ ആയതോടെ യുവതി പരാതി നല്‍കുകയായിരുന്നു.
അടുത്തിടെ ഗുജറാത്തിലെ ഖൊറാജ് ടൗണ്‍ ഷിപ്പിലേക്ക് താമസം മാറിയപ്പോഴും പീഡനം തുടര്‍ന്നതോടെയാണ് യുവതി പൊലീസില്‍ പരാതി നല്‍കിയത്. നിരവധി ബോളിവുഡ് സിനിമകളില്‍ 35കാരിയായ യുവതി വി.എഫ്.എക്‌സ് ആര്‍ട്ടിസ്റ്റ് ആയി പ്രവര്‍ത്തിച്ചിട്ടുണ്ട്. അന്താരാഷ്ട്ര വിമാനക്കമ്പനിയിലെ പൈലറ്റാണ് ഭര്‍ത്താവ്.
https://www.facebook.com/Malayalivartha
