രാഷ്ട്രപതി ദ്രൗപദി മുര്മുവിന്റെ അധ്യക്ഷതയില് വിവിധ സംസ്ഥാനങ്ങളുടെ ഗവര്ണര്മാരുടെ രണ്ട് ദിവസത്തെ സമ്മേളനം ഇന്ന് ആരംഭിക്കും...ഗവര്ണര്മാരെ കൂടാതെ പ്രധാനമന്ത്രി നരേന്ദ്രമോദി, കേന്ദ്ര ആഭ്യന്തര മന്ത്രി അമിത് ഷാ, ഉപ രാഷ്ട്രപതി ജഗ്ദീപ് ധന്കര്, വിവിധ കേന്ദ്രമന്ത്രിമാര്, നിതി ആയോഗ് പ്രതിനിധികള് തുടങ്ങി മുതിര്ന്ന ഉദ്യോഗസ്ഥരടക്കം പങ്കെടുക്കും, വയനാട്ടിലുണ്ടായ ദുരന്തം ശക്തമായി ഉന്നയിക്കുമെന്ന് ഗവര്ണര് ആരിഫ് മുഹമ്മദ് ഖാന്
രാഷ്ട്രപതി ദ്രൗപദി മുര്മുവിന്റെ അധ്യക്ഷതയില് വിവിധ സംസ്ഥാനങ്ങളുടെ ഗവര്ണര്മാരുടെ രണ്ട് ദിവസത്തെ സമ്മേളനം ഇന്ന് ആരംഭിക്കും. രാഷ്ട്രപതി ഭവനില് ചേരുന്ന യോഗത്തില് ഗവര്ണര്മാരെ കൂടാതെ പ്രധാനമന്ത്രി നരേന്ദ്രമോദി, കേന്ദ്ര ആഭ്യന്തര മന്ത്രി അമിത് ഷാ, ഉപ രാഷ്ട്രപതി ജഗ്ദീപ് ധന്കര്, വിവിധ കേന്ദ്രമന്ത്രിമാര്, നിതി ആയോഗ് പ്രതിനിധികള് തുടങ്ങി മുതിര്ന്ന ഉദ്യോഗസ്ഥരടക്കം പങ്കെടുക്കും.
ദ്രൗപദി മുര്മു അധ്യക്ഷത വഹിക്കുന്ന ഗവര്ണര്മാരുടെ ആദ്യ സമ്മേളനമാണിത് .യോഗത്തില് വയനാട്ടിലുണ്ടായ ദുരന്തം ശക്തമായി ഉന്നയിക്കുമെന്നാണ് ഗവര്ണര് ആരിഫ് മുഹമ്മദ് ഖാന് .
വയനാട്ടിലെ ഉരുള്പൊട്ടല് ദുരന്തം ദേശീയ ദുരന്തമായി പ്രഖ്യാപിക്കാന് കേന്ദ്രത്തോട് അഭ്യര്ത്ഥിക്കുമെന്നും അദ്ദേഹം വ്യക്തമാക്കി. ദുരന്തം സംബന്ധിച്ച് ആദ്യ വാര്ത്ത പുറത്തു വന്നപ്പോള് മുതല് പ്രധാനമന്ത്രി നടപടികള് തുടങ്ങിയതാണെന്നും അനുകൂല നടപടിയുണ്ടാകുമെന്ന് തന്നെ നമുക്ക് പ്രതീക്ഷിക്കാമെന്നും ഗവര്ണര് ആരിഫ് മുഹമ്മദ് ഖാന് ഡല്ഹിയില് മാധ്യമങ്ങളോട് പറഞ്ഞിരുന്നു. ഈ അവസ്ഥയില് രാജ്യം എന്തായാലും വയനാടിന് ഒപ്പം നില്ക്കും എന്നാണ് പ്രതീക്ഷ.
പുതിയ മൂന്ന് ക്രിമിനല് നിയമങ്ങള് നടപ്പാക്കല്, ഉന്നത വിദ്യാഭ്യാസ രംഗത്തിന്റെ പരിഷ്കരണം, വിവിധ കേന്ദ്രസര്ക്കാര് പദ്ധതികളുടെ പ്രചാരണം തുടങ്ങിയവ രാഷ്ട്രപതി വിളിച്ച ഗവര്ണര്മാരുടെ യോഗത്തിലെ പ്രധാന അജണ്ടകളാണ്.
"
https://www.facebook.com/Malayalivartha
