ഐ.എസ്സിന്റെ ഇന്ത്യന് റിക്രൂട്ട്മെന്റിന് നേതൃത്വം നല്കുന്നത് ഇന്ത്യന് മുജാഹിദ്ദീന്
ഇന്ത്യന്മുജാഹിദ്ദീന് ഇസ്ലാമിക് സ്റ്റേറ്റിന്റെ ഇന്ത്യ റിക്രൂട്ട്മെന്റിന് നേതൃത്വം നല്കുന്നത് ആണെന്ന് അന്വേഷണ ഉദ്യോഗസ്ഥര്ക്ക് വിവരം ലഭിച്ചു. ഇന്ത്യയില് നിന്ന് പാകിസ്താനിലേക്ക് കടന്ന ഇന്ത്യന്മുജാഹിദ്ദീന് പ്രവര്ത്തകരാണ് സിറിയയിലെത്തി ഇതിന് ചുക്കാന് പിടിക്കുന്നതെന്നാണ് വിവരം.
2000ന്റെ തുടക്കത്തില് ഉത്തര കന്നഡ ജില്ലയിലെ ഭട്കലില് ഒത്തുചേര്ന്ന് രൂപം നല്കിയ സംഘമാണ് ഐ.എസ്സിന്റെ പോഷകസംഘടനയായി വളര്ന്നത്. ഇവര് കേരളത്തിലെ ചിലരുടെ സഹായത്തോടെ 2007 മുതല് നീക്കം തുടങ്ങിയിരുന്നുവെന്നാണ് ലഭിച്ച വിവരം. ഹൈദരാബാദ്, ബെംഗളൂരു, അഹമ്മദാബാദ്, ജയ്പുര്, ഡല്ഹി, പുണെ തുടങ്ങിയ നഗരങ്ങളില് ഫോളൂടന പരമ്പരകള് നടത്തിയാണ് തുടക്കം. മഹാരാഷ്ട്ര ഭീകരവിരുദ്ധസേന 2007ല് മംഗളൂരുവില് നിന്ന് പിടികൂടിയവരില് നിന്നാണ് ഇന്ത്യന്മുജാഹിദ്ദീന് എന്ന സംഘടനയുടെ പേര് ആദ്യം പുറത്തുവന്നത്. ഭട്കലില് നിന്നുള്ള സഹോദരങ്ങളായ ഇക്ബാലിന്റെയും റിയാസിന്റെയും പേരുകളും പുറത്തുവന്നു. പാകിസ്താനിലേക്ക് രക്ഷപ്പെട്ട ഇവരെ ചുറ്റിപ്പറ്റിയായിരുന്നു പിന്നീട് അന്വേഷണം. 2013 ല് പിടിയിലായ യാസിനില് നിന്നാണ് മറ്റു ചിലരുടെ പേരുകള് അന്വേഷണ സംഘങ്ങള്ക്ക് ലഭിച്ചത്.
സുല്ത്താന് എന്നറിയപ്പെടുന്ന അബ്ദുള്ഖാദിര് ആര്മര് ആയിരുന്നു ഇതില് പ്രധാനി. പാകിസ്താനില് ഐ.എസ്.ഐ.യുടെ സംരക്ഷണത്തിലായിരുന്നു അവരെല്ലാം. പാക് പട്ടാളത്തിന്റെ നേരിട്ടുള്ള പരിശീലനവും ഇവര്ക്ക് ലഭിച്ചു. പാക് താലിബാന്റെ ആസ്ഥാനമായ വടക്കന്വസീരിസ്താനില് നിന്ന് ഇവര്ക്ക് ആയുധപരിശീലനവും ലഭിച്ചു.
അല്ഖ്വയ്ദ ക്യാമ്പില് ആയുധപരിശീലനം ലഭിച്ചതോടെയാണ് കാര്യങ്ങള് പുതിയ വഴിത്തിരിവിലെത്തിയത്. പിന്നീട് അല്ഖ്വയ്ദ വഴി ഐ.എസ്സുമായി നടന്ന ചര്ച്ചകള്കിയ ചുക്കാന് പിടിച്ചത് സുല്ത്താന് ആര്മര് ആയിരുന്നു. ഇന്ത്യയില് നിന്ന് രക്ഷപ്പെടാന് സഹായിച്ച ഐ.എസ്.ഐ.യെയും പാക് പട്ടാളത്തെയും വിസ്മയിപ്പിച്ച് ഇന്ത്യന്മുജാഹിദ്ദീന് പ്രവര്ത്തകര് സിറിയയിലെ ഐ.എസ്. കൂടാരത്തിലെത്തി. ഐ.എസ്. തലവന് അബൂബക്കര് അല്ബാഗ്ദാദിയുടെ അനുഗ്രഹാശിസ്സുകളോടെ ആയിരുന്നു സിറിയയിലെത്തിയത്. ഐ.എസ്. താവളത്തില് എത്തിയവര്ക്കായി അന്സാര് ഉല്താഹിദ് എന്ന പേരില് പുതിയൊരു പോഷകസംഘടന ബാഗ്ദാദിയും രൂപവത്കരിച്ചു. ഇന്ത്യന്മുജാഹിദ്ദീന്, തെഹ്രിക്ഇതാലിബാന്, തെഹ്രിക് ഇതാലിബാന് പാകിസ്താന്(ടി.ടി.പി.) വിഘടിത വിഭാഗം എന്നിവര് ചേര്ന്നതായിരുന്നു അന്സാര് ഉല്താഹിദ്. ഇന്ത്യയില് നിന്ന് യുവാക്കളെ ഐ.എസ്സില് എത്തിക്കുക എന്നതായിരുന്നു ഇന്ത്യന്മുജാഹിദ്ദീന പ്രവര്ത്തകരെ ബാഗ്ദാദി ഏല്പിച്ച ദൗത്യം. അതിനുള്ള പ്രവര്ത്തനം നടത്തിക്കൊണ്ടിരിക്കുന്നതായാണ് അന്വേഷണസംഘത്തിന് ലഭിച്ച വിവരം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
