ബംഗ്ലാദേശ് പ്രധാനമന്ത്രി ഷെയ്ഖ് ഹസീന രാജിവെച്ചു. തിങ്കളാഴ്ച സൈനിക ഹെലികോപ്റ്ററില്‍ ധാക്കയില്‍ നിന്നും പുറപ്പെട്ട അവര്‍ പിന്നീട് എയര്‍ഫോഴ്‌സ് വിമാനത്തില്‍ ഇന്ത്യയിലേക്ക് പുറപ്പെട്ടു. ഗാസിയാബാദിലെ ഹിന്‍ഡണ്‍ എയര്‍ഫോഴ്‌സ് താവളത്തിലാണ് ഷെയ്ഖ് ഹസീനയെ വഹിച്ചുള്ള സി 130 ജെ വിമാനം ഇറങ്ങിയത്. വൈകീട്ട് വൈകിട്ട് 5.36 നാണ് വിമാനം ലാന്‍ഡ് ചെയ്തത്. വിമാനത്താവളത്തില്‍ അവരെ എയര്‍ഫോഴ്സിലെ മുതിര്‍ന്ന ഉദ്യോഗസ്ഥര്‍ സ്വീകരിച്ചുവെന്ന് വൃത്തങ്ങള്‍ അറിയിച്ചു.

അക്രമാസക്തമായ ഏറ്റുമുട്ടലില്‍ നൂറിലധികം പേര്‍ കൊല്ലപ്പെടുകയും നൂറുകണക്കിന് പേര്‍ക്ക് പരിക്കേല്‍ക്കുകയും ചെയ്തതിന് പിന്നാലെ ബംഗ്ലാദേശ് സൈനിക മേധാവി ജനറല്‍ വക്കര്‍-ഉസ്-സമാന്‍ രാജ്യത്തെ അഭിസംബോധന ചെയ്ത് ഇടക്കാല സര്‍ക്കാര്‍ രൂപീകരണത്തെ കുറിച്ച് അറിയിച്ചു. രാജ്യവ്യാപകമായി പ്രഖ്യാപിച്ച കര്‍ഫ്യൂ ലംഘിച്ച് നൂറുകണക്കിന് വിദ്യാര്‍ത്ഥി പ്രവര്‍ത്തകര്‍ പ്രതിഷേധ മാര്‍ച്ചിനായി തെരുവിലിറങ്ങിയ സാഹചര്യത്തിലാണ് പ്രഖ്യാപനം.

പ്രധാനമന്ത്രി ഷെയ്ഖ് ഹസീനയും സഹോദരി ഷെയ്ഖ് രഹനയും ധാക്കയിലെ ഔദ്യോഗിക വസതിയില്‍ നിന്ന് പുറപ്പെട്ടു. ഉച്ചയ്ക്ക് 2:30 ന് ഷെയ്ഖ് ഹസീനയുമായി ബംഗഭബനില്‍ നിന്ന് സൈനിക ഹെലികോപ്റ്റര്‍ പറന്നുയര്‍ന്നു. ഗാസിയാബാദിലെ ഹിന്‍ഡണ്‍ എയര്‍ഫോഴ്‌സ് താവളത്തിലാണ് ഷെയ്ഖ് ഹസീനയെ വഹിച്ചുള്ള സി 130 ജെ വിമാനം ഇറങ്ങിയത്. വൈകീട്ട് വൈകിട്ട് 5.36 നാണ് വിമാനം ലാന്‍ഡ് ചെയ്തത്.
ലോക്സഭാ പ്രതിപക്ഷ നേതാവും കോണ്‍ഗ്രസ് എംപിയുമായ രാഹുല്‍ ഗാന്ധി ലോക്സഭയുടെ വര്‍ഷകാല സമ്മേളനത്തോടനുബന്ധിച്ച് വിദേശകാര്യ മന്ത്രി എസ് ജയശങ്കറുമായി കൂടിക്കാഴ്ച നടത്തിയെന്നും ബംഗ്ലാദേശിലെ സംഭവവികാസങ്ങളെക്കുറിച്ച് ഇരു നേതാക്കളും ചര്‍ച്ച നടത്തിയെന്നും കോണ്‍ഗ്രസ് വൃത്തങ്ങള്‍ അറിയിച്ചു.

ദേശീയ സുരക്ഷാ ഉപദേഷ്ടാവ് അജിത് ഡോവല്‍ മുന്‍ ബംഗ്ലാദേശ് പ്രധാനമന്ത്രി ഷെയ്ഖ് ഹസീനയെ ഗാസിയാബാദിലെ ഹിന്‍ഡണ്‍ എയര്‍ബേസില്‍ സന്ദര്‍ശിച്ചു.ഷെയ്ഖ് ഹസീനയുടെ പിതാവും ബംഗ്ലാദേശിന്റെ സ്ഥാപകനുമായ ഷെയ്ഖ് മുജീബുര്‍ റഹ്മാന്റെ ധാക്കയില്‍ സ്ഥാപിച്ച പ്രതിമ പ്രതിഷേധക്കാര്‍ ജെസിബി ഉപയോഗിച്ച് തകര്‍ത്തു. ബംഗ്ലാദേശ് കരസേനാ മേധാവി രാഷ്ട്രീയ നേതാക്കളെ കണ്ടു, ക്രമസമാധാന ചുമതല ഏറ്റെടുക്കുമെന്ന് അദ്ദേഹം അറയിച്ചു. രാഷ്ട്രീയ നേതാക്കളെ കണ്ടതായും ക്രമസമാധാന ചുമതല സൈന്യം ഏറ്റെടുക്കുമെന്ന് പറഞ്ഞതായും ബംഗ്ലാദേശ് കരസേനാ മേധാവി പറഞ്ഞു.

ബംഗ്ലാദേശിലെ സ്ഥിതിഗതികളും അതിര്‍ത്തി സുരക്ഷയെക്കുറിച്ചും വിദേശകാര്യ മന്ത്രി എസ് ജയശങ്കര്‍ പ്രധാനമന്ത്രി നരേന്ദ്ര മോദിയെ ധരിപ്പിച്ചതായി സര്‍ക്കാര്‍ വൃത്തങ്ങള്‍ അറിയിച്ചു. അയല്‍രാജ്യത്തെ സാഹചര്യം കണക്കിലെടുത്ത് ബംഗ്ലാദേശുമായുള്ള എല്ലാ ട്രെയിന്‍ സര്‍വീസുകളും നിര്‍ത്തിവച്ചതായി ഇന്ത്യന്‍ റെയില്‍വേ അറിയിച്ചു.

ബംഗ്ലാദേശില്‍ ഷെയ്ഖ് ഹസീന സര്‍ക്കാര്‍ വീണതിനാല്‍, അടുത്ത 48 മണിക്കൂറിനുള്ളില്‍ നിരവധി അവാമി ലീഗ് നേതാക്കളും അനുഭാവികളും എംപിമാരും ത്രിപുരയിലേക്ക് നുഴഞ്ഞുകയറാന്‍ സാധ്യതയുണ്ടെന്ന് വൃത്തങ്ങള്‍ അറിയിച്ചു. അവാമി ലീഗിന്റെ ധാക്ക ജില്ലാ ഓഫീസ് പ്രക്ഷോഭകര്‍ തീയിട്ടു. സമീപത്തെ ഗ്യാസ് സിലിണ്ടര്‍ കടയിലേക്കും തീ പടര്‍ന്നതായി ബംഗ്ലാദേശ് പത്രമായ പ്രോതോം അലോ റിപ്പോര്‍ട്ട് ചെയ്തു.
അടിയന്തര സാഹചര്യം കണക്കിലെടുത്ത് ബംഗ്ലാദേശിലേക്കും തിരിച്ചുമുള്ള എല്ലാ വിമാനങ്ങളും റദ്ദാക്കിയതായി എയര്‍ ഇന്ത്യ വാര്‍ത്താ കുറിപ്പില്‍ അറിയിച്ചു.