ഇസ്രായേലിലേക്കുള്ള വിമാന സർവീസ് റദ്ദാക്കിയ  കാലവധി  നീട്ടി എയർ ഇന്ത്യ. പശ്ചിമേഷ്യയിലെ നിലവിലെ സംഘർഷ സാധ്യതയുടെ സാഹചര്യത്തിലാണ്  എയർ ഇന്ത്യ ഇത്തരത്തിലൊരു തീരുമാനെടുത്തിരിക്കുന്നത്.   ഇനിയൊരു അറിയിപ്പ് ഉണ്ടാകുന്നതു വരെ തെൽ അവീവിലേക്കുള്ള സർവീസ് നിർത്തിവയ്ക്കുന്നതായി എയർ ഇന്ത്യ വ്യക്തമാക്കി.

നേരത്തെ ആഗസ്റ്റ് എട്ടു വരെ എയർ ഇന്ത്യ സർവീസ് നിർത്തിവച്ചിരുന്നു. ഇത്  ഇപ്പോൾ നീട്ടിയിരിക്കുകയാണ്.  എയർ ഇന്ത്യ എക്‌സിൽ കുറിച്ചത് ഇപ്രകാരമാണ്;-  'മിഡിൽ ഈസ്റ്റിൻ്റെ ചില ഭാഗങ്ങളിലെ നിലവിലെ സാഹചര്യം കണക്കിലെടുത്ത് തെൽ അവീവിലേക്കും തിരിച്ചുമുള്ള ഞങ്ങളുടെ വിമാനങ്ങളുടെ ഷെഡ്യൂൾ ചെയ്ത ഓപ്പറേഷൻ ഇനിയൊരു അറിയിപ്പ് ഉണ്ടാകുന്നതുവരെ നിർത്തി"-  'അവിടുത്തെ സ്ഥിതിഗതികൾ തുടർച്ചയായി നിരീക്ഷിക്കുന്നു . തെൽ അവീവിലേക്കും തിരിച്ചുമുള്ള യാത്രയ്‌ക്കായി ടിക്കറ്റ് ബുക്ക് ചെയ്ത യാത്രക്കാർക്ക് പണം തിരികെ നൽകും.