ജമ്മു കശ്മീരിലെ ഗന്ദര്ബാലില് നടന്ന ഭീകരാക്രമണത്തില് കൊല്ലപ്പെട്ടവരുടെ എണ്ണം ഏഴായി ഉയര്ന്നു....
ജമ്മു കശ്മീരിലെ ഗന്ദര്ബാലില് നടന്ന ഭീകരാക്രമണത്തില് കൊല്ലപ്പെട്ടവരുടെ എണ്ണം ഏഴായി ഉയര്ന്നു. നിരവധി പേരുടെ പരിക്ക് ഗുരുതരമാണ്. അതിനാല് മരണസംഖ്യ ഇനിയും ഉയര്ന്നേക്കുമെന്നാണ് സൂചന. ഒരു ഡോക്ടറും ആറു തൊഴിലാളികളുമാണ് ഇതുവരെ മരണപ്പെട്ടത്.
ജമ്മു കശ്മീരിലെ ഗന്ദര്ബാല് ജില്ലയിലെ ഗഗാംഗീറില് നിര്മാണ സൈറ്റില് നടന്ന വെടിവെപ്പിലാണ് തൊഴിലാളികള് കൊല്ലപ്പെട്ടത്. രണ്ടുപേര് അപകട സ്ഥലത്തുവെച്ചുതന്നെ മരണമടഞ്ഞു.
ശ്രീനഗര്ലേ തുരങ്കനിര്മാണത്തിന് എത്തിയ തൊഴിലാളികളുടെ താമസസ്ഥലത്ത് കടന്നാണ് രണ്ടു ഭീകരര് വെടിയുതിര്ത്തത്. ജോലി കഴിഞ്ഞ് തൊഴിലാളികളും മറ്റു ജീവനക്കാരും ക്യാംപിലേക്ക് തിരിച്ചെത്തിയപ്പോഴായിരുന്നു ആക്രമണം.
പരിക്കേറ്റവരെ ശ്രീനഗറിലെ ആശുപത്രിയിലേക്ക് മാറ്റി. ഭീകരരെ കണ്ടെത്താനായി സുരക്ഷാസേന വ്യാപക തിരച്ചില് നടത്തിവരുന്നു. സംഭവത്തില് ജമ്മു കശ്മീര് മുഖ്യമന്ത്രി ഒമര് അബ്ദുല്ല, ലഫ് ഗവര്ണര് മനോജ് സിന്ഹ, കേന്ദ്ര ആഭ്യന്തരമന്ത്രി അമിത് ഷാ, കേന്ദ്ര മന്ത്രി നിതിന് ഗഡ്കരി തുടങ്ങിയവര് അപലപിച്ചു. അതേസമയം ഭീകരാക്രമണത്തിന് ശക്തമായ തിരിച്ചടി ഉണ്ടാകുമെന്ന് വ്യക്തമാക്കി അമിത് ഷാ .
"
https://www.facebook.com/Malayalivartha
