ബെംഗളൂരുവില്‍ നിന്ന് കേരളത്തിലേക്ക് വരുകയായിരുന്ന സ്വകാര്യ ബസിന് തീപിടിച്ചു....അവസരോചിതമായ ഇടപെടല്‍ ഒഴിവായത് വന്‍ ദുരന്തം. കര്‍ണാടകയിലെ മദ്ദൂരില്‍ വെച്ചാണ് ബസിന് തീപിടിച്ചത്.

കണ്ണൂരിലേക്ക് ബെംഗളൂരുവില്‍ നിന്ന് വരുകയായിരുന്ന അശോക ട്രാവല്‍സ് എന്ന ബസിനാണ് തീപിടിച്ചത്. ബസില്‍ തീ പടരുന്നത് കണ്ടയുടന്‍ വാഹനം നിര്‍ത്തി യാത്രക്കാരെ പുറത്തിറക്കുകയായിരുന്നു. ബസിന്റെ പിന്‍ഭാഗത്ത് നിന്നാണ് തീപടര്‍ന്നു തുടങ്ങിയത്.

ബസിന്റെ പിന്‍ഭാഗം കത്തിനശിച്ചു. ബസില്‍ നിന്ന് പുക ഉയരുന്നത് ശ്രദ്ധയില്‍പ്പെട്ട ഉടന്‍ യാത്രക്കാരെ പുറത്തിറക്കാനായി. ഇന്ന് പുലര്‍ച്ചെ ഒരുമണിയോടെയാണ് സംഭവം നടന്നത്. യാത്രക്കാരെ ഇറക്കിയശേഷം തീ ആളിപടരുകയായിരുന്നു.

ബസിന്റെ പിന്‍ഭാഗം കത്തിനശിച്ചു. യാത്രക്കാരെ മറ്റു ബസുകളില്‍ കണ്ണൂരിലേക്ക് കയറ്റിവിടുകയായിരുന്നു. തീ വലിയ രീതിയില്‍ ആളിപടരുന്നതിന് മുമ്പ് യാത്രക്കാരെ രക്ഷപ്പെടുത്താനായതിനാല്‍ വന്‍ ദുരന്തം ഒഴിവായി.