മഹാകുംഭമേള അര്‍ഥശൂന്യമാണെന്ന് ആര്‍ജെഡി അധ്യക്ഷന്‍ ലാലുപ്രസാദ് യാദവ്. ന്യൂഡല്‍ഹി റെയില്‍വേ സ്റ്റേഷനിലെ അപകടത്തില്‍ 18 പേരുടെ മരണത്തിന് ഇടയാക്കിയ അപകടത്തിലാണ് ലാലു പ്രസാദ് യാദവിന്റെ പ്രതികരണം. കുംഭമേളയ്‌ക്കെതിരായ ലാലു പ്രസാദ് യാദവിന്റെ ഈ പരാമര്‍ശം വലിയ വിവാദങ്ങള്‍ക്കാണ് തിരികൊളുത്തിയിരിക്കുന്നത്.

'തിക്കിലും തിരക്കിലും പെട്ട് ആളുകള്‍ മരിച്ചത് വളരെ അസ്വസ്ഥത ഉളവാക്കുന്ന സംഭവമാണ്. കേന്ദ്ര സര്‍ക്കാരിന്റെ അപര്യാപ്തമായ ക്രമീകരണങ്ങളാണ് ഈ അപകടം തുറന്നുക്കാട്ടുന്നത് റെയില്‍വേയുടെ സമ്പൂര്‍ണ പരാജയമാണിത്. റെയില്‍വേ മന്ത്രി രാജിവയ്ക്കണം.' ലാലു പ്രസാദ് യാദവ് പറഞ്ഞു.

ഹിന്ദു മതത്തോടുള്ള ആര്‍ജെഡിയുടെ മനോഭാവം അവര്‍ തുറന്നുക്കാട്ടിയെന്ന് ബിഹാര്‍ ബിജെപി വക്താവ് മനോജ് ശര്‍മ ആരോപിച്ചു. പ്രീണന രാഷ്ട്രീയം കൊണ്ടാണ് അദ്ദേഹം ഇത്തരം പരാമര്‍ശങ്ങള്‍ നടത്തുന്നത്. ആര്‍ജെഡി നേതാക്കള്‍ എപ്പോഴും ഹിന്ദുക്കളുടെ മതവികാരം വ്രണപ്പെടുത്തിയിട്ടുണ്ടെന്നും മനോജ് ശര്‍മ വ്യക്തമാക്കി.