ഡല്‍ഹിയും വടക്കന്‍ സംസ്ഥാനങ്ങളും  വീണ്ടും ശക്തമായൊരു  ഭൂചലനത്തിന്റെ ആശങ്കയില്‍. രാജ്യതലസ്ഥാനമായ ഡല്‍ഹിയില്‍ ഇന്ന് പുലര്‍ച്ചെയുണ്ടായ ഭൂചലനത്തിന് തുടര്‍ച്ചയായി ചെറിയ ചലനങ്ങള്‍ ആവര്‍ത്തിക്കുന്ന  സാഹചര്യത്തില്‍ ഡല്‍ഹിയില്‍ കനത്ത ജാഗ്രതാ നിര്‍ദേശം പുറപ്പെടുവിച്ചിരിക്കുകയാണ്. ചെറിയ ചലനത്തിന്റെ തുടര്‍ച്ചയായി വന്‍ ഭൂകമ്പത്തിനുള്ള ആശങ്കയാണ് എവിടെയുമുള്ളത്. വീടുകളിലും ഫ്‌ളാറ്റുകളിലും കഴിയുന്നവര്‍  ജാഗ്രത പാലിക്കണമെന്നാണ് നിര്‍ദേശം. ആശങ്കമൂലം ഫ്‌ളാറ്റുകളില്‍ കഴിയുന്ന പലരും ബന്ധുവീടുകളിലേക്ക് മാറിക്കൊണ്ടിരിക്കുകയാണ്.

ഡല്‍ഹി, നോയ്ഡ, ഗ്രേറ്റര്‍ നോയ്ഡ, ഗാസിയാബാദ് തുടങ്ങിയ സ്ഥലങ്ങളിലാണ് ഇന്നു പുലര്‍ച്ചെ ശക്തമായ ഭൂചലനമനുഭവപ്പെട്ടത്.മണിക്കൂറുകള്‍ക്ക് ശേഷം ബിഹാറിലെ സിവാനിലും ഭൂചലനമുണ്ടായി. ഡല്‍ഹിയിലുണ്ടായതിന്റെ തുടര്‍ച്ചലനമാണോ ബിഹാറില്‍ അനുഭവപ്പെട്ടത് എന്നതില്‍ വ്യക്തതയില്ല. അതേസമയം 10 കിലോ മീറ്റര്‍ ആഴത്തിലാണ് ഡല്‍ഹി ചലനത്തിന്റെ പ്രഭവ സ്ഥാനമെന്നാണ് ദേശീയ ഭൂകമ്പപഠന കേന്ദ്രം പറയുന്നത്.അതിവലിയ  ശബ്ദത്തോടെയുള്ള ശക്തമായ പ്രകമ്പനമാണ് ഇന്നു രാവിലെയുണ്ടായത്. പുലര്‍ച്ചെ 5.36 നാണ് ഭൂചലനം ഉണ്ടായത്. റിക്ടര്‍ സ്‌കെയിലില്‍ നാല് രേഖപ്പെടുത്തിയ ഭൂചലനത്തില്‍  നാശനഷ്ടങ്ങള്‍ റിപ്പോര്‍ട്ട് ചെയ്തിട്ടില്ലെങ്കിലും

ഇത് വലിയ ഭൂചനത്തിന്റെ ആദ്യഘട്ടമാണോ എന്നിതിലാണ് ആശങ്ക.  മൂന്നു  കോടിയോളം ജനങ്ങള്‍ പാര്‍ക്കുന്ന ന്യൂഡല്‍ഹിയാണ് ദൂചലനത്തിന്റെ പ്രഭവകേന്ദ്രം എന്നതും ആശങ്ക വര്‍ധിപ്പിക്കാന്‍ കാരണമായിട്ടുണ്ട്. കഴിഞ്ഞ വര്‍ഷം ജനുവവരി, ഫെബ്രുവരി മാസങ്ങളില്‍ ഡല്‍ഹിയില്‍  വലിയ ഭൂചനമുണ്ടായതും ഭീതി വര്‍ധിപ്പിക്കാന്‍ കാരണമായിട്ടുണ്ട്. മഹാരാഷ്ട്രയിലെ ലാത്തൂരിലും ഗുജറാത്തിലെ ഭൂജിലും മുന്‍പുണ്ടായ വലിയ ഭൂചനനത്തില്‍ പതിനായിരക്കണക്കിന് പേരാണ് മരിച്ചത്.ഭൂചലനത്തെ തുടര്‍ന്നു പരിഭ്രാന്തിയുടെ അന്തരീക്ഷമാണു രാജ്യതലസ്ഥാനത്തുണ്ടായിരിക്കുന്നത്. പുറത്തേക്ക് ഓടിയിറങ്ങിയ പലരും മൊബൈല്‍ ഫോണുകളില്‍ പരസ്പരം ബന്ധപ്പെടുകയും

സുരക്ഷിതരാണെന്ന സന്ദേശങ്ങള്‍ പങ്കുവയ്ക്കുകയും ചെയ്തു. തുടര്‍ചലനങ്ങള്‍ ഉണ്ടാകുമെന്ന ഭയത്താല്‍ മണിക്കൂറുകളോളം തുറസ്സായ സ്ഥലങ്ങളില്‍ ജനം കൂട്ടമായി നില്‍ക്കുന്ന കാഴ്ചയാണു ഡല്‍ഹിയില്‍ കാണാനാകുന്നത്.ഉത്തരേന്ത്യയിലാകാമാനം ഇന്നത്തെ ഭൂചലനത്തിന്റെ പ്രകമ്പനം അനുഭവപ്പെട്ടിരുന്നു. ഭൂകമ്പ സാധ്യതാ പട്ടിയകിലുള്‍പ്പെടുന്ന സ്ഥലമാണ് ഡല്‍ഹി.ഡല്‍ഹിയില്‍ ഇന്നുണ്ടായ ഭൂചനത്തിന്റെ പശ്ചാത്തലത്തില്‍ സുരക്ഷാ മുന്‍കരുതലുകള്‍ പാലിക്കണമെന്ന് പ്രധാനമന്ത്രി നരേന്ദ്ര മോദി ഡല്‍ഹി നിവാസികളോട് നിര്‍ദേശിച്ചിട്ടുണ്ട്. അധികൃതര്‍ സ്ഥിതിഗതികള്‍ നിരീക്ഷിച്ചുവരികയാണെന്നും അദ്ദേഹം എക്‌സില്‍ കുറിച്ചിരുന്നു.

നാഷണല്‍ സെന്റര്‍ ഓഫ് സീസ്മോളജിയുടെ നിരീക്ഷണമനുസരിച്ച്  ന്യൂഡല്‍ഹിയാണ് ഭൂചലനത്തിന്റെ  പ്രഭവകേന്ദ്രംമെന്നും തുടര്‍ചലനത്തിന് സാധ്യതയുണ്ടെന്നും പറയുന്നു.  ഭൗമോപരിതലത്തില്‍നിന്ന് അഞ്ച് കിലോ മീറ്റര്‍ താഴെയാണ് ഭൂചലനമുണ്ടായത്. അഞ്ച് മുതല്‍ 20 കിലോമീറ്റര്‍ വരെ ആഴത്തില്‍ ഉണ്ടാകുന്ന ഭൂകമ്പങ്ങള്‍, കൂടുതല്‍ ആഴത്തില്‍ നിന്ന് ഉത്ഭവിക്കുന്നവയെക്കാള്‍ നാശ നഷ്ടങ്ങള്‍ക്ക് കാരണമാകുമെന്നതാണ് കൂടുതല്‍ ആശങ്ക ജനിപ്പിക്കുന്നത്.

ഡല്‍ഹിയില്‍ ഭൂചലനമുണ്ടായതിനു പിന്നാലെ ബിഹാറിലും ഉത്തര്‍പ്രദേശിലും ചെറിയ ഭൂചനങ്ങള്‍ ആവര്‍ത്തിക്കുന്നു. ഇന്ത്യന്‍ ഉപഭൂഖണ്ഡം അപ്പാടെ ഭൂമികുലുക്കത്തിനുള്ള സാധ്യത ഇപ്പോഴും നിലനില്‍ക്കുകയാണ്. കഴിഞ്ഞ ദിവസം ഡല്‍ഹി റെയില്‍വെ  സ്റ്റേഷനില്‍ തിക്കിലും തിരക്കിലും പെട്ട് 18 പേര്‍ മരിച്ചതിനു പിന്നാലെ ആശങ്കയുടെ വാര്‍ത്തയാണ് ഇന്നു രാവിലെ കേള്‍ക്കാനായത്. ഡല്‍ഹിയിലെ കടുത്ത തണുപ്പും മഞ്ഞും മാറിവരികയാണെങ്കിലും കടുത്ത വേനല്‍ ഇക്കൊല്ലം വരുംമാസങ്ങളിലുണ്ടാകുമെന്നാണ് സൂചന. ഇതിനു മുന്നോടിയായുള്ള പ്രതിഫലനമാണ് ഭൂചനം എന്ന് കരുതുന്നു.