വിദേശകാര്യ മന്ത്രി എസ്. ജയശങ്കറിന്റെ സുരക്ഷാ സംവിധാനത്തില്‍ രണ്ട് ബുള്ളറ്റ് പ്രൂഫ് വാഹനം കൂടി ഉള്‍പ്പെടുത്തി കേന്ദ്രം...
രണ്ട് ബുള്ളറ്റ് പ്രൂഫ് വാഹനം കൂടി വിദേശകാര്യ മന്ത്രി എസ്. ജയശങ്കറിന്റെ സുരക്ഷാ സംവിധാനത്തില്‍ ഉള്‍പ്പെടുത്തി കേന്ദ്രം. ഇന്ത്യ- പാകിസ്ഥാന്‍ സംഘര്‍ഷങ്ങളുമായി ബന്ധപ്പെട്ട സമീപകാല ഭീഷണികള്‍ വിലയിരുത്തിയതിനെ തുടര്‍ന്നാണ് സി.ആര്‍.പി.എഫ്. ഈ തീരുമാനമെടുത്തത്.
നിലവില്‍ സി.ആര്‍.പി.എഫിന്റെ 'ഇസഡ്' കാറ്റഗറി സായുധ സംരക്ഷണമാണ് ജയശങ്കറിന് ലഭിക്കുന്നത്. കഴിഞ്ഞ വര്‍ഷം ഒക്ടോബറിലാണ് ജയ്ശങ്കറിന്റെ സുരക്ഷാ നിലവാരം 'വൈ' യില്‍ നിന്ന് 'ഇസഡ്' വിഭാഗത്തിലേക്ക് ഉയര്‍ത്തിയത്. ഇതോടെ ഡല്‍ഹി പോലീസില്‍നിന്ന് ജയ്ശങ്കറിന്റെ സുരക്ഷ സിആര്‍പിഎഫ് ഏറ്റെടുത്തു.
നിലവില്‍ 24 മണിക്കൂറും പ്രവര്‍ത്തിക്കുന്ന ഇസഡ് കാറ്റഗറി സുരക്ഷയാണ് നല്‍കുന്നത്. രാജ്യത്തുടനീളമുള്ള യാത്രയിലും താമസത്തിലും ഒരു ഡസനിലധികം സായുധ കമാന്‍ഡോകള്‍ ഉള്‍പ്പെടുന്ന ഒരു സായുധ സിആര്‍പിഎഫ് സംഘമാണ് ഈ സുരക്ഷ നല്‍കുന്നത്.
കേന്ദ്ര ആഭ്യന്തര മന്ത്രി അമിത് ഷാ, നിതിന്‍ ഗഡ്കരി, ദലൈ ലാമ, കോണ്‍ഗ്രസ് നേതാക്കളായ സോണിയ ഗാന്ധി, രാഹുല്‍ ഗാന്ധി, പ്രിയങ്ക ഗാന്ധി എന്നിവര്‍ ഉള്‍പ്പെടെ 200 ഓളംപേര്‍ക്ക് സിആര്‍പിഎഫിന്റെ സുരക്ഷ ലഭിക്കുന്നു.
https://www.facebook.com/Malayalivartha
