കുട്ടികളെ പഠിപ്പിക്കാന്‍ വന്ന അധ്യാപകന്റെ കൂടെ ഭാര്യ ഒളിച്ചോടിപ്പോയെന്ന പരാതിയുമായി വന്ന ഭര്‍ത്താവിന്റെ വിഡിയോ സോഷ്യല്‍ മീഡിയയില്‍ ചര്‍ച്ചയാകുന്നു. രണ്ട് കുട്ടികളുടെ അമ്മയായ യുവതി ആണ് അധ്യാപകനൊപ്പം ഒളിച്ചോടിയത്. എക്‌സിലൂടെയാണ് അദ്ദേഹം വീഡിയോ പങ്കിട്ടത്. വീട്ടില്‍ യാതൊരുവിധ പ്രശ്‌നങ്ങളുമുണ്ടായിരുന്നില്ല. അതിനാല്‍ത്തന്നെ ഭാര്യയുടെ ഒളിച്ചോട്ടം തന്നെ ഏറെ ഞെട്ടിച്ചുവെന്നും വീഡിയോയില്‍ മനീഷ് പറയുന്നു.

'ഞാന്‍ മനീഷ് തിവാരി. റോഷ്‌നി റാണിയാണ് എന്റെ ഭാര്യ. ട്യൂഷന്‍ എടുക്കാനായി ഞങ്ങളുടെ വീട്ടില്‍ വന്ന കുമാര്‍ മേത്തയ്‌ക്കൊപ്പം അവള്‍ ഒളിച്ചോടിപ്പോയി. എന്റെ രണ്ട് കുട്ടികളെയും ഉപേക്ഷിച്ചാണ് അവള്‍ ഒളിച്ചോടിയത്. ഇനി എനിക്ക് അവളെ വേണ്ട. ദിവസക്കൂലിക്ക് ജോലിചെയ്താണ് ഭാര്യയെയും കുഞ്ഞുങ്ങളെയും ഞാന്‍ നോക്കിയിരുന്നത്. ഭാര്യയുമായി വഴക്കോ തര്‍ക്കമോ ഇല്ലായിരുന്നു. ഈ ഒളിച്ചോട്ടം തന്നെ ഏറെ വേദനിപ്പിച്ചു'.

ഇത്തരത്തിലാണ് ഭര്‍ത്താവ് വീഡിയോയില്‍ പറയുന്നത്. ഹിന്ദിയിലാണ് സംസാരം. എന്നാല്‍ ഈ സംഭവം എവിടയാണെന്ന് വിഡിയോയില്‍ വ്യക്തമല്ല. യുവതിയുടെയും അധ്യാപകന്റെയും സ്വകാര്യ ഫോട്ടോ ഉള്‍പ്പടെ ഉള്ള ഒരു ഫയലും കൊണ്ടുവന്നാണ് ഭര്‍ത്താവിന്റെ വിശദീകരണം. യുവതി കാമുകന് ഉമ്മ കൊടുക്കുന്നതിന്റെ സെല്‍ഫി ചിത്രവും ഭര്‍ത്താവ് പുറത്തുവിട്ടു.