സൂപ്പർസ്റ്റാറായി തമിഴ്‌നാട്ടിൽ ഇടിയപ്പം. ഗുണനിലവാരമില്ലാത്ത ഇടിയപ്പം കഴിച്ച് നിരവധിപേർക്ക് രോഗം ബാധിച്ചതിനെ തുടർന്ന് തമിഴ്നാട്ടിൽ ഇരുചക്രവാഹനങ്ങളിൽ ഇടിയപ്പം വിൽക്കുന്നതിന് കർശന നിയന്ത്രണമേർപ്പെടുത്തിയിരിക്കുകയാണ് ഭക്ഷ്യസുരക്ഷാവകുപ്പ്.

വൃത്തിഹീനമായ സാഹചര്യത്തിലാണ് ഇവ ഉണ്ടാക്കുന്നതെന്ന് തെളിവ് സഹിതം പരാതികൾ ലഭിച്ചിരുന്നു. നിയമം കർശനമായി നടപ്പാക്കാനാണ് ഭക്ഷ്യസുരക്ഷാവകുപ്പിന്റെ തീരുമാനം. ഇടിയപ്പം വിൽപ്പനക്കാർ ഇനി മുതൽ ഭക്ഷ്യസുരക്ഷാ വകുപ്പിൽനിന്ന് ലൈസൻസെടുക്കണം. എല്ലാവർഷവും പുതുക്കുകയും വേണം. ഇടിയപ്പം തയ്യാറാക്കാൻ ഗുണമേന്മയുള്ള അരി ഉപയോഗിക്കണം. പാകം ചെയ്യുമ്പോഴും ശുചിത്വം കർശനമായി പാലിക്കണമെന്നും നിർദ്ദേശമുണ്ട്. ഓൺലൈൻവഴി സൗജന്യമായായിരിക്കും ലൈസൻസ് ലഭിക്കുക.